عنوان الموضوع : شكثر ترجيت زوجي وتأسفت له وحاقرني ..؟؟؟ رعاية الاطفال
مقدم من طرف منتديات الضمير العربي
خواتي العزيزات الغاليات أنا مشكلتي شكي الزايد بزوجي بسبب خياناته لي وآخر خيانه من إسبوع مع وحدة متزوجة الله لا بارك فيها يارب سبب لي صدمة كبيرة وقهر نفسي وشك زيادة قمت أشك حتى لو من مسج يوصله مال الأخبار تخيلوا لأنه تيلفونه مقفول ومستحيل يفتحه لي وكل يوم نحن نتضارب بسبب أسألتي وشكي وهذا اللي أسويه نتيجة أفعاله المهم أول أمس كنا طالعين ووصل له مسج لأنه كان نازل يصلي العشاء وخلى تيلفوناته في السيارة أنا شفت الإشعار على الشاشة وماأقدر أقرأ المسج لأنه مقفول وكان واصل من سالك عاد أنا ماصدقت تميت متضايجة ويوم خلص صلاته سألته بعصبية إنت بعدك ويا هذه وشو هاالمسج وكنت أصارخ يوم شاف الشاشة ضحك وفتح التيلفون من بعيد وراواني المسج وكان فعلاً من سالك عاد أنا سكت وهديت شوي أدري بتقولون ليش معصبة ترى واضح إنه من سالك لأنه يوم كانت إتطرش مسجات كان دوم يحط لها إسم فما قمت أصدق أي مسج أومكالمة توصله المهم عقب تميت أتأسف شكثر من أول أمس وأمس طول اليوم وأنا أتأسف وأبوسه على راسه وإيده ذليت عمري ذل وهو حاقرني وحلف إنها آخر طلعه وياي وإنه بيراويني وبيخوني وبيدور راحته برع لأني نكدية ونسى إنه هو إللي وصلني لها الشئ ويوم أقوله جذه يستهزأ فيني ويقولي خلاص طوفي وماله داعي تشكين لو كان هو إللي زاخني وأكثر من مرة كان بيطوف ومابيشك هو يباني أضحك وأسولف وماأسأل مول يعني إللي سواه شئ عادي والحين قلب السالفة كلها علي شو أسوي لا تقولون تفاهمي وياه هذا ماينفع وياه أي تفاهم أساساً مطلعني أنا الغلطانه ومايبغي يسمع مني ولا حرف كل يوم أدعي ربي بس شو أسوي تعبت من حقرانه ومن معاملته القاسية وياي والحين يتحلف لي إنه بيسوي وبيسوي ياربي أنا وايد متضايجة ... يارب فرج همي ويسر لي زوجي
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
هو يخون وانتي تحبين ايده
لو بدالج اطنشه لان شكج كان بسببه هو الي زرع هالشي فيج
__________________________________________________ __________
>>>> الرد الثاني :
غلطانه هو قاعد يذلج لانج قعدتي تتاسفين وتحبين راسه يعني شافج ضعيفه وقال فرصه يت عندي واسوي اللي اريده واحقرها اختي بنفس الوقت كان قلتيله مااتلام انت اللي سويت فيني كذا ويبالي وقت عسب ارجع أثق فيك والخ
الحين لا تسويله سالفه وطنشيه وشغلي نفسج عنه خله يحس انج مب مهتمه فيه ولا تسالينه عن شي خلج غامضه يعني خليه يستغرب ليش تغيرتي
__________________________________________________ __________
>>>> الرد الثالث :
انا مع الأخوات انتي غلطانه ليش تعتذرين وتبوسين فيه ترى بيتمادي وبيحس انج ميته عليه و عادي تسامحينه وبيسوي وبيهبب وانتي مو داريه. وترى انتي مو شكاكه ولا غلطانه شي طبيعي بتشكين لأنج صايدته اكثر من مره. الخلل مو فيج الخلل فيه هو خليج واثقه وقويه ولا تبينين له انج مستضعفه وميته عليه ترى ما بيحترمج وبيخون مليون مره. و ترى اغلب الرجال اذا خانو مع وحده متزوجه ياخذون راحتهم والعلاقه تكبر وتتمادي فانتبهي من هذه الي قاعد يكلمها ولا تحسسينه انج غلطتي بحقه لأن هو الغلطان.
__________________________________________________ __________
>>>> الرد الرابع :
__________________________________________________ __________
>>>> الرد الخامس :
الله يعينج اختى ﻻزم تشغلى نفسج عنه
ودام يصلى أن شاء الله فيه خير
وعشان تنسي الشك أشغلى
نفسج باﻻستغفار
رد مع اقتباس
