عنوان الموضوع : ممكن تشورو علي ربيعتي انا انشل تفكيري المومة و الطفل
مقدم من طرف منتديات الضمير العربي

مرحبا بنات شخباركم

مابطول عليكم بدخل بالموضوع على طول الموضوع شوي حساس وسوري على اللي بقوله بس مالقيت حد اقوله واشكيله بمعاناه ربيعتي غيركم



ربيعتي عمرها 21 ومتزوجه شهر 12 ثاني يوم من دخلتها حست باعراض تحت وراحت المستشفى الدكتوره سالتها انتي متزوجه ولا بنت قالت للدكوتره انا متزوجه والبارح كانت دخلتي الدكتوره عصبت وقالت لها اتصلي بريلج خليها اي الحين بسوي له تحليل

طبعا كلمت ريلها مارضى يسوي وعصب له عين الصراحه المهم البنت طلع ريلها ناقل لها فايرس من علاقاته بحريم غيرها المهم الدكتوره قالت لها هالشي يباله صبر لانه بيطول علاجه من 6 شهور لسنه على حسب مناعه جسمج وطول فتره العلاج ماراح تحملين وبين فتره والثانيه لازم تسوين مسحه عنق الرحم عشان لانه عادي يسبب سرطان بالرحم عافانا الله

البنت بدت بالكورس التطعيم من ثاني يوم زواج لها طبعا اول شهر كان كل يوم ابره وعقب ابره كل اسبوع وعقب ابره كل شهر بين فتره والثانيه زوجها يقولها ابا عيال مع انه يعرف انه الدكتوره قالت لها ماراح تحملين لين تتعالجين

عقب ريلها راح سوى فحص بعياده برع وياب التقرير طبعا التقرير بالانجليزي وقال لها انا مافيني شي سرقت ربيعتي التقرير وراحت للدكوتره اللي تعالجها وشافت التقرير قالت لها عنده فيروسين زوجج ولازم يتعالج والمهم بعد ضرابه رضى يدخل للدكتوره مستهتر قالت له الدكتوره لازم تستخدم واقي طول فتره علاجها ولازم تتعالج بس طبعا سوى طاف ولا تعالج ولا سمع كلام الدكتوره


ولليوم يكلم بنات تقولي انها ماقامت تروح بيت اهلها تخاف يسالونها شفيج لانه صدق مبين عليها الهم تقول بس شقول لهم انا مريضه زوجي نقل لي فيروس تقول من تزوجت وانا تعبانه نفسيا وهو ولا هامه تقول هي ماخبرت اهلها لانه ماراح يخلونها عنده وماتبا زوجها يطيح من عين اهلها تقول تشوف خواتها كل وحده طايره بريلها وهي تمثل جدامهم بس ماشي فايده تقول فكرت تكلم عمتها ام زوجها حرمه متفمه وطيبه وياها بس تقول استحي افاتحها بموضوع نفس جي تقول انها لليوم كاتمه على امل انه يتغير ويحترمها ويقدرها بس كل يوم تكتشف لها سالفه يديده مع بنت يديده ودوم تزخ عنده صور ربيعاته بدون ملابس وصور شخصيه لهم وياه تقول تشوف مسجات جنسيه تقول نفس الكلام اللي يقوله لي من حب وغيره نفسه يقوله لهم تقول فوق انه بلاها بفايرس مب راضي يحس على دمه ولا يحترم نفسه

الصراحه انا من امس تفكيري انشل وغامضتني لانها صغيره بس هي تحبه انا قلت لها تاخذه عند مصلحين اجتماعين يمكن يفيدونهم اثنينهم هو مايهتم فيها ولا يسوي لها سالفه ابد من يدخل البيت بدل وطلع يرجع يسبح ويرجع يطلع يدخل البيت الفجر مع انها ساكنه وياه في بيت اهله تقول لو ما حمياتي عندي بالبيت كان الله يعلم بحالتها وانتو حبياتي شو تشورو عليها تخبر اهلها لانه الموضوع حساس وماينسكت عنه لازم حد من اهله او اهلها يدري تتوقعون لو كلمت عمتها يكون احسن ترى عمتها حرمه مثقفه ماشاءاللله وحده لها كلمتها

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
تخبلت ربيعتج!! حياتها معرضه للخطر وبكل برود مكمله حياتها عادي ويا هالوصخ القذر بس لانها خايفه من كلام الناس؟!
يمييي والله اني قمت اتنافض شهالاستهتار مب استهتاره هو لا هي!! مستهتره بحياتها وصحتها ونفسها
الحين هالخايس شو بيقول فخاطره عنها بيقول تدري اني وصخ وعادي عندها وبكمل بوصاختي وبعاديها بعد لا وله عين بعد يبا اييب عيال
انتي ك صديقه انصحيها تتركه اذا تحبينها وتخافين عليها حرام هي شو ذنبها بكل هذا!

__________________________________________________ __________

>>>> الرد الثاني :
لا اله الا الله محمد رسول الله
نصيحتي انها تشرح لام زوجها كل شي وشو الي حادها تتحمل عافانا الله

__________________________________________________ __________

>>>> الرد الثالث :
الطلاااااااااااااااااااااااااااااااااااااق الحين افضل الحلول
لانه حتى مستحى وخجل ما شي
والي جيه كيف ربي بيوفقه اصلا


ليش تفكر مرتين تخبر اهلها وما بيصير الا الي ربنا كاتبه لها

__________________________________________________ __________

>>>> الرد الرابع :
اوووف وصلت لفيروس وبعدها ماخبرت أهلها ليش تبا يصير لها شئ أخطر من جي ربيعتج بلاها مو حاسه بالمصيبه اللب هي فيها. الله المستعان ياختي خليها تخبر أهلها يشوفوا شو يسوا مع هالواصخ عفانا الله وبعد كل هدا ما يتعالج ويتم مع حريم وععع بأجر يجب حقها الإيدز بعد عفانا الله لو تحبيها أجبريها تخبر أهلها ما تسكت

__________________________________________________ __________

>>>> الرد الخامس :
شو نوع الفيروس ترى من الرسالة انتي اشك برسايلج بصراحة ,,,

ومعقولة ,, يمكن التهابات او فطريات او الفايرس البكتيري ,,, وكيف عرفتي انه من علاقاته بالحريم مايستوى نظلم فديتج

اعرف وحده صارلها الفايرس البكتيري بعد الحمام المغربي مباشرة ماكانت رايمة تحرك ريولها وياها عوار بالرحم

سوت فحوصات وقالولها عندج الفايرس البكتيري وفطريات وكله سبب صابون المغربي لانها استخدمته استخدام داخلي وغلط

ومكتوب برع اي صابون مغربي للاستخدام الخارجي ربيعتج صغيرة ومع العلاج بتتعالج مستحيل الايدز وبتقوله الدكتورة سوي واقي

الا بتبلغ الشرطة دام البنت صغيرة ,,, اختى لاتقلبين المواضيع واتبيها صحيحة افضل عشان مانسئ الظن بحد .