عنوان الموضوع : مالجة ومايبي يطلقها
مقدم من طرف منتديات الضمير العربي

بنات بنت خالتي مالجة وبعد الملجة طلعت مععاه وجربته وماعيبها موليه
مب قادرة تشوفه مرة ثانية ولا ترمسه بالفون خير شر ماعيبها ماشي توافق هي غير عنه من كل النواحي وتبي تطلق منه بس هو رافض يطلقها قالت له بردلك فلوسك بعده رافض يطلق اصلا هو كان يحبها بس ماكانت تسويله سالفةعشان جي تزوجها عشان يوصل لها.. الحينه شو تسؤي؟ راسه يابس ماصدق ملج عليها!
الحينه الجلسات مال توجيه اسري اطول ؟؟. هيه خايفة الجلسات عشان دوامها تعرفون يباله وقت وجهد والا عادي ؟. وكم ياخذ لين يطلع حكم الطلاق؟ سنة؟ شهور؟
هي مافيها كل اسبوع تطلع من دوامها للجلسات والا الجلسات كل 3 اسابيع؟

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
هي ليش تسرعت دامها ماتدانيه؟ عالعموم الزواج مب بالغصب

__________________________________________________ __________

>>>> الرد الثاني :
ليش وافقت عليه دام أنها ما تباه و سبحان الله كيف حكمت عليه من مقابلة واحدة على العموم الله يكتبلهم اللي فيه الخير و المثل يقول خدي اللي يحبج و لا تأخدين اللي تحبينه

__________________________________________________ __________

>>>> الرد الثالث :
ليش متسرعة هالكثر !! ترى الريال ما إيي على هواها وكل شيء قسمة ونصيب
لو الريال فيه عيب بسيط يتعدل بس دامنها مالجة ليش متسرعة انها تبا تطلق ؟
ما بقوللها اصبري بس خلها تكلم أهلها لأن ما تقدر تسوي كل هذا من ورا أهلها
و قبل هذا كله تستخير ربها

__________________________________________________ __________

>>>> الرد الرابع :
يحليله هو ميت عليها وهيه ماتباه غريبة والله الدنيا! ..
اختي قوليلها دامه شارنها خلها تاخذ اللي يحبها وشارنها وهيه ممكن تغير فيه والحب مب شرط الحين الحب ايي مع العشرة..
خلعا تستخير والله يجدم اللي فيه خير

__________________________________________________ __________

>>>> الرد الخامس :
انزين اختي ممكن تذكرين لنا شو هو عدم التوافق اللي بينهم وتشرحين كيف هم غير من كل النواحي

انا مابظلم ربيعتج واقول ماعندها سالفه لانه ماقدر احكم الا اذا عرفت هي ليش ماتباه

مثلا اذا من الناحية الدينيه ماعيبها مافي توافق
مايصلي ويسمع اغاني وعاصي لربه وهي العكس
هني معاها حق

واذا ماشي توافق من الناحية الدراسيه والثقافيه
بنقول لاي مستوى
في مستويات للاختلاف تؤدي للمشاكل
اذا هو تفكيره جاهلي وهي العكس

اما من ناحية التوافق بالبيئه اللي عايشين فيها كيف ؟
مثلا هو يقول لها ماتطلعين ولازم ٢٤ ساعه بالبيت وتجابلين امي وماشي بيت بروحج ولا خدامه مثلا ؟؟؟؟



لو تشرحين لنا اكثر نقدر نساعدها
اما جي ماقدر انصحها بالطلاق

ترى بهالزمن نادر تحصلين شاب يبا يتزوج وااذا كان زين خل تتمسك فيه

نحن كلنا ما اخذنا الريال اللي نباه ١٠٠٪ لازم في عيب او نقص هذه طبيعة البشر