السلام عليكم
خواتي
الله يوفقكم و ينور دربكم يارب
اتمنى تسمعون نصيحتي و تاخذون بها
لكل وحدة عندها مشاكل زوجية و متضايقة من الدنيا
ترى الدنيا ما تسوى شي ولا تسوى ان تزعلون و تتضايجون
نصيحة صغيرة
بعد ما مريت بيوم كئيب جدا غير حياتي للأبد
حتى مب قادرة اتضايق ثانية من ريلي لو شو ما يسوي
وردني اتصال من صديقة طفولتي
زوجها مريض ع فراش الموت
عجزوا كل الدكاترة عن شفائه
و البعض قال له لو تيلس مع عيالك أحسن من العلاج
و كل شي بيد رب العالمين
اسأل الله ان يشفيه و يمد بعمره يا رب العالمين
سرت ازورها
و يا ليتني ما سرت
كنا نسولف سوالف حريمية
و كان معانا كذا وحدة يتشكون من ازواجهم امامها ؟
وانا طبعا اغمز و المز لهم حتى يحسون ان الحرمة متضايجة
الحرمة شالة في قلبها جبل من الهم و الحزن عليه
قالت لوحدة منهم تبغين تتغيرين ؟ :
عاملي زوجج كانه بيفارقج اليوم
ما قدرت انام خواتي والله ما قدرت
دخل بو عيالي و اول مرة اشيل شنطته الثجيلة اللي وزنها كذا كيلو
نزلتها من الدور الثاني ل موتره و حلفت عليه اشيله
و وصيته مليون مرة ع الدرب و السواقة
وقفت اراقبه لين ما طلع برى البيت و صكر الباب
اتصلت ف والدتي و اتصلت ف ام زوجي
لحفت عيالي عدل و قريت عليهم و حاولت ارقد
ع كل مشاكل القسم
خيانة و هموم و دلع حريم
و كيد نساء و اللي تبغي عيال
و اللي تبغي هدية و اللي تبغي بيت روحها ..........الخ
تخيلي هذا الشخص يروح منج
و انتي بعدج تبغين و تبغين و تبغين وما تشبعين من ملذات الدنيا
ولا تقولين الحمد الله ع ها النعم
بس تأملوا جملتها و غيروا حياتكم
عاملي زوجج كانه بيفارقج اليوم
عاملي الناس كأنهم بيفارقونج اليوم
و بتحسين انج تبغين تعطينهم كل شي
و بتحسين انج وحدة ثانية
رد مع اقتباس
