عنوان الموضوع : قلبي عورني من هـ الجملة بعدين اللي عندها حق لا تتنازل عنه،، ‘لخ عالم الامومة
مقدم من طرف منتديات الضمير العربي
بعدين اللي عندها حق لا تتنازل عنه،، التنازل أوّل مرّة بيجر عليها شغلات كثيرة تجبرها على التنازل مرة بعد مرة بدون سيطرة
هذي الجملة خلتني اصحي للمرة الثانية و اشوف الاجرام اللي اجرمته بنفسي
اول مرة صحيت فيها يوم وحدة من اهلي قالت لي شكلج كانج عيوز
لاني يوم اقول لريلي بشتري اللبس الفلاني يقول لي غالي ما يستاهل و انا اسايره اقول ما بضغط علييه
مالت عليي و على غبائي
و هالمرة يوم قريت كلام الاخت الوردة الجورية
خلتني اصحصح مرة ثانية
الكلام كان موجه لاخت ف موضوع سابق ( ريلي بيعرس )
و انا اللحين ريلي بين الفترة و الفترة يقول بعرس
الله يستر
يقول لي الشرع حلل اربع اقول له بس الشرع قال اظفر بذات الدين مب تختار من هاللوث اللي الشباب هابين فيهن عافان الله
انا وايد تنازلت عن اشياء ف خاطري علشانه
و يوم اقول له يقول انا ماقلت لج لاء
(بس يقعد منتفخ و يعق نغزات انه ما عاجبنه)
يارب استوي قوية شرات الحريم اللي يطلبن و يتشرطن
آخر وحدة قالت اريد 7 الاف بفصل لعرس اختي
قال لها ماعندي غير مصروف البيت 4 الاف
قالت له دبر عمرك
و الغريب ف الامر انه دبر عمره
و انا للعيد اخاف اقول له زيد المصروف
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
فديتج في رياييل كله ما يبون حريمهم يهتمون بعمارهم ،
ويوم انه تستوي شرا العيوز ع قولتج . . يقول يلا بعرس !!
طبعاً ما اقصد انج عيوز ، حشى والله . .
بس قصدي من ناحية عدم الاهتمام وما تكشخ ولا تترتب . .
بس اذا هو ما يضايق من كشختج ،
وبس ضيجته ايي من الناحية المادية . .
صح انه الكشخة يبالها الواحد يفرد ايده ويصرفف ،
بس مب لازم دوووم . .
وايد في اشياء رخيصة وتبين غالية ،
ترومين تتزينين بطريقتج يعني لا تخلينها حجة . .
شدي ع نفسج شوي وبنفس الوقت شدي عليه . .
لانه شكلج وايد تسايرينه
__________________________________________________ __________
>>>> الرد الثاني :
مالت على ويههي وايد مسايرتنه
والله شكلي اكبر خواتي كاني عيوز
المشكلة ف الماديات
جربت اشياء حلوة و رخيصة بس ما تدوم يعني لبسه لبستين و تخترب
احس لو ذغطت عليه بييب لي اللي اباه بس انا خوافه
بجرب هالعيد
يارب تضبط
__________________________________________________ __________
>>>> الرد الثالث :
ـنزيين اذا الموضوع في الاشياء المادية من ملابس و احذية و مستلزمات اخرى للاناقة خبرينا من وين تشترين عادة ثيابج؟ لانج قلتي لبسة و لبستين و خلالاص
ـ بعدين ممكن شي بالنسبة لج غالي ولحد غير رخييص حسب على كم تصرفين في اللبس
ـ المولات متروسه محلات من جميع المستويات انتي دخليه وياج الممحل عسب يدفع و يعرف كم قيمة الثياب و مايتم يحط عليج
__________________________________________________ __________
>>>> الرد الرابع :
ما اقدر اروح المولات بروحي لازم يوديني
و اذا وداني تخيلي نروح المطاعم عقب الالعاب و نمر ع المحلات بسمرور ما اشتري شي و نرجع البيت
__________________________________________________ __________
>>>> الرد الخامس :
الرياييل كلهم شرات بعض في ها النقطة
يميلون فكريا و عاطفيا و جنسيا للحرمة اللي تفلسهم و تشتري و ادلع نفسها
و ما تتنازل في الامور القوية مثل الدراسة او العمل او هواية معينة تحبها
و لكن ظاهريا يتفلسفون
نفس اللي تصبغ شعرها بني مثلا و الريل يقول مب حلوة الصبغة الشعر الاسود احلى عليج ؟
حد طلب رايك عطيه ف يبهته و ردي عليه هههههههههههههههههههههههههه قولي كل شي علي حلوو لو اصبغ ابيض
المكياج مب حلو عليج ؟ ويهج الطبيعي احلى ؟؟
شكلج متنانة وايد مكرشة ؟ مهملة ؟ ( لو انا بقول له احلى منك يالاقرع )
بيني و بينكم لو الوحدة تنش من الرقاد و تجوف عمرها ف المنظرة بتسمي و بتتعوذ من ابلبس خخخخخخخ
مب اي يقوله ع طول بتسووونه !!
بس صدقوني خلى يجوفون شقراء تمشي عيونهم بتطلع ؟؟؟
و خلى يجوفون متبرجة والله بيموتون و يجوفونها
و خلى يسمعون صوت الكعب ! بس حق حريمهم لا كل شي حلو عليج
و الحرمة الغيبة مصدقة
الزبدة : لا تتنازلون عن اشياء تحبوها عسب الريل
حتى لو الريال زين وما يقصر ..
يشتر لج و لعيالج اليوم احسن من ما يشتري لحد ثاني ؟
الحرمة الذكية تقدر تمثل شوي مع عيون تلىء تلىء نفس الكوريين
و تقول " حبيبي ما عندي فلوس "
انا دوم اقول الحرمة اذكى و امكر من الريال و مخها يوزن بلد بس يبغي لها حد يعلمها الدبلوماسية و المكر
رد مع اقتباس
