عنوان الموضوع : كيف تتواصل المطلقة مع طليقها لسعادتك
مقدم من طرف منتديات الضمير العربي
السلام عليكم
انا ابغي اسال كل مطلقة وعندها عيال كيف تواصلها مع طليقها طبعا اذا كان هناك تفاهم بينهم مب حقد وغل بين الطرفين فطبعا مستحيل ان الطرفين يتواصلون او احد الطرفين رافض الكلام مع الثاني
الحين انا وطليقي مثل توم اند جيري مانداني بعض وبينا بنت والخدامة هي حلقة الوصل بيننا تخيلوا كل ماتروح بنتي لزيارة ابوها عاد البشكارة ترجع ووتييب وياها الخراريف قيل وقال وانا راسي ينفجر منها اخر شي قلت بوقفها عند حدها وقلت شوفي اخر مرة ترمسين عنهم واتييبين اخبارهم لو سمحتي مابا اسمع عنهم شي نهائيا وتحملي تعطين رقم تليفونج حق بشاكيرهم ناقصة مشاكل انا والمصيبة ان طليقي يقعد يستدرج البشكارة ويسالها عني ومتى بسافر وليش ومن هالقبيل وبعدين تقول الخدامة انه محتفظ بصوري في موبايله وحتى الفيديو تخيلو يقعد يطالعني وانا بدون حجاب جان اعصب عليها وقلت اتطرشين له مسج وتقولين له عيب عليك المدام تقول لك لو سمحت تمسح كل صوري من تليفونك مايجوز يطالعني خلاص اونه يراوي بنتي صورتها وهي صغيرة الصراحة احس عليه عقل صغارية .
شورايكم في هالتصرفات بس خلاص تعبت منه
بس انا طرشت مسج من تليفوني وقلت خلاص من اليوم وساير بيني وبينك التواصل بمسجات اي شي تبا تطرش لي انا لاتدخل الخدامة في امورنا مابا اسمع قيل وقال مب احسن جي وطلعت رقم خاص لبنتي يتواصل وياي بخصوصها .
اف هالخدامات ماوراهم غير ويع الراس صراحة خلاص هو شاف حياته ليش ينبش وراي خلاص بشوف حياتي ليش ارد على وراء وافكر واضايق بعمري عشانه خله يولي مايهمني بشي بس المشكلة الحين في انه يعاند ومايتواصل معاي لانه وايد عنيد .
حتى لدرجة ان القاضي قال لازم تتواصلون عشان البنت لو مب الحين عقب لازم ترمسون ويا بعض عشانها وقال لي بعد لازم في يوم من الايام بتلجأين له في امور وايد بخصوص البنت انا ماعندي مشكلة بس هو يكابر وماينزل من نفسه خلاص بكيفه ماراح انزل له نفسي مرة ثانية .
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
__________________________________________________ __________
>>>> الرد الثاني :
الله يكون في عونج
بس ليش ما يكون حد من خواته حلقة الوصل بينكم ؟؟؟؟؟
__________________________________________________ __________
>>>> الرد الثالث :
ذكرتيني بأختي العزيزه.. بوم تطلقت تمت سنة وشي ما تتواصل ويااا طليقهاا
مع أنه عندهم أولدين بس كان نادر يطرش مسج علشاان العيال اذا بيأخذهم.
بس عقب سبحاان الله ما أدري شو أستوى نجلبت الآية صاار يوميا يرمسهاا
عادي في اليوم 3 أو 2 أ4 ع حسب المزااج مع أنه هو عرس وطلق مرته اليديده؟؟
وهالشي خلى علاقتهم واايد قووية فبعض أكثر عن قبل بواايد^^ أتمنى أنهم يرجعون للبعض علشان عيالهم.
صدقيني أول شي بكابر وبعاند عقب بيكون عااادي.عليج بالأسلوب اللين مهما كان بيتم بو بنتج.
__________________________________________________ __________
>>>> الرد الرابع :
للللللللللللللللللللللللللللللرفع
__________________________________________________ __________
>>>> الرد الخامس :
الزين اللي سويتيه انج وقفتي الخدامة عند حدها
ممكن تتواصلين مع عمات البنت او يدتها
او تخلين حد من طرفج يكلمه امج ابوج اخوج اختج
انا زوجي عنده من طليقته عيال لكن ماسمح ابد انه يكلمها وهي ملقوفة تبا تكلمه وكانوا وايد يكلمون بعض بعد طلاقهم بسنوات ومن تزوجته خلااااااص
الحين هو يكلمهم بنفسهم مباشرة واذا موضوع الاصغر يكلم الاكبر
يعني بنتج لو تتكلم هي بنفسها بتخبر ابوها اذا تريد منه شي وانتي علميها كيف تكلمه
والمسجات كافية بينكم وانتي كوني رسمية ولاتسبينه ولا تفاتحينه في الماضي وحتى لو هو سار غير رسمي او حاول يتكلم في الماضي تجاهلي وخلج رسمية
وبنتج فهميها قولي لها هذا ابوج انتي وبس مش ابوي انا عشان بعد هي ماتنقله اخبارج
الله ييسر امورج ويعوضج خير
رد مع اقتباس
