عنوان الموضوع : فديتكم خواتي إلي تقدر تدلني على طريقة صالونة البيليان وصالونة العدس الهندية.. للارامل
مقدم من طرف منتديات الضمير العربي

اشحالكم خواتي ...
ممكن تدلوني ع طريقة صالونة البيليان الهندية أظن عرفتوا شو أقصد هاي إلي تكون فيها البيليان بكبرة يتحطى وأعتقد يسوون فيه صبار بعد ومكسرات..
وصالونة العدس الهندية اللذيذة..
فديتكم بدعيلكم من كل قلبي...
وجزاكم ربي ألف خير...
وجعلة في ميزان حسناتكم..

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
أمي تعرف تسوي صالونة البليان

بس شغلة والله

بتخبرها وبرد عليج

يحطون فيها جوز الهند ولوز.. صح؟؟

لونه على أخضر غامج أو بني زيتوني

هذا اللي تطرينه حبوبة؟؟

__________________________________________________ __________

>>>> الرد الثاني :
باجر بتخبرها

احينه امي تحلم أحلامها السعيدة

باجر إن شاء الله بتخبرها وبرد عليكم

أمي تعرف كل الأكلات الهندية.. لأنه جيراننا كلهم هنود..

وأحينه كلهم بيسافرون.. وبييبون لنا الآجار الهندي الأصلي.. يم يمي يم

__________________________________________________ __________

>>>> الرد الثالث :
حبوبة سوي سيرج في النت^-^

__________________________________________________ __________

>>>> الرد الرابع :
https://www.youtube.com/watch?v=pQcdPKj_vOo
طريقة الدال

الحين طريقة البديان
https://www.youtube.com/watch?v=-gkS9Zf_4KU

__________________________________________________ __________

>>>> الرد الخامس :
تجهزين كمية باذنجان.. خلنا نقول 5 حبات

كل باذنجان تقطعينه لأربع قطع.

تقلينه في الزيت

10 حبات فلفل أخضر تقلينه في الزيت وتحطينهم ع صوب

والزيت تخلينه عشان تقلين باقي المقادير اللي بعطيج أحينه.. وهالمقادير عقب بتحطينهم في الخلاط رباعة..

كوب نارجيل..
كوب فول سوداني..
كوب لوز..
نص كوب كزبرة يابس..
نص كوب سنوت يابس..
بصلة كبيرة..

وكل واحد من هالسوالف تقلينه بروحه وتحطينه ع صوب

وتاخذين كل اللي حمصتيه المرة الثانية وتطحنينهم رباعة في الماكينة

وأحينه اني ع النار.. تاخذين الزيت الزيت تضيفين عليه ثوم وزنجبيل وتصبين عليه الخلطة اللي طحنتيها في الخلاط

وتضيفين بزار + كركم + ملح

وأحينه تاخذين نص باكيت تمر هندي وتحطينه في الماي.. تشخلينه والماي ماله تصبينه في الخلطة.. يعني قولي كوبين ماي.. وعقب ما يغلي تضيف الباذنجان وورق الكاري..

وسلامتكم

أدري تخبيص... لأنها هي تقول ونا أكتب..

والكوب مب قصدها كوب عود.. لأ.. متوسط...

يعني ترومون تقولين نص كوب جبن..

إن شاء الله تكونين فهمتي علي..

عاشقة ولدي.. فالج طيب والله.. ما طلبتي...