عنوان الموضوع : ودي افاجئ الوالده
مقدم من طرف منتديات الضمير العربي
السلام عليكم
خاطري اسوي لييهم رز .. بس مااعرف ممكن تعلموني
وابغي طريقة معكروونه
وابغي طريقة جاينيز رايز
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
up up
__________________________________________________ __________
>>>> الرد الثاني :
إقتباس:
الرسالة الأصلية كتبت بواسطة موزيلا
السلام عليكم و الرحمه
اشحالكم خواتي عساكم بخير و سهاله ؟؟
.
.
.
اول امس كنت امسويه جاينيز رايس حق العشا و حبيت اتشوفونه وياي
واخليـــــــــــــــــكم ويا الصور ،،
.
.
.
.
.
.
وبالعافيه عليكـــــــــــم
شو رايكم ^^
.
.
تحيتي لكم // موزيلا
المقادير ،،
جيلتين و نص عيش
فلفل بارد الملون ( اصفر ، برتقالي ، احمر ، أخضر ) مقطع بالطول|الكميه على حسب ما اتحبوون وايد او اشوي كيفكم|
انا عني سويت 1 من كل لون
ملفوفه مفرومه | الكميه على حسب ما اتحبوون وايد او اشوي كيفكم |
ذره | انا استعملت القوطي الصغير الرجل الاخضر بس مب كامل لا لا نصه بس |
جزر مقطع بالطوول يعني طول الاصابع | الكميه اللي اتحبوونها انا حطيت واحد |
بصل أخضر الطويل مفرووم | تقريبا 5 حبات |
صدوور دياي تقريبا 6 او 5 | مقطع مربعااااااااات صغيره بس مب وايد يعني نفس الحجم اللي ف الصوره|
ربع كوب صويا صوص
4 حبات ماجـــــــــــي
البهارات اللي نحتايها حق تفوير الدياي ( فصين ثوم ، عود جرفه ، مسمار ، فلفل أسود حبات ، حبه ماجي ، ليمون يابس، ورق غار، هيل )
الطريقه ،،
غسلي صدور الدياي و قطعيهم مربعات و عقب حطيهم ف الماي وعقب ما اتشيلين الوصخ اللي يظهر منهم
وينظف الماي ،، حطي البهارات وخليهم يفوروون لين ماينضى الدياي ،،
وطبعا حطي زيت ف تاوه كميه زيينه و عقب ماينضى الدياي حطيه ف الزيت قليه لين ما يستوي لوونه بيج غامج اشوي
يعني مثل ما اتشوفينه ف الصوور ،،
طبعا اول ما اتشيلين الدياي نظفي الماي مال الدياي و صفيه و زيدي عليه ماااااااااااااااي و حطي الماجيات الاربع
وعقب حطي العييييييييش و حطي اشوي زيت الزيتون عسب مايكتل العيش ،،
المهم ف هالوقت ،،
حطي اشوي زييت ف جدر ثاني و عقب حطي البصل و اصبري عليه ثواني و عقب ضيفي اليزر لانه يباله لين ما يلين ،،
واتمي بعد 3 دقايق تقريبا ،، و عقب حطي الملفوف و الفلفل البارد وصبي اشوي من الصويا صوص من الربع اللي حطيتيه ف الكوب ،،
وعقب غطيه ثواني و ضيفي الدياي و الذره و الباجي من الصويا صوص و حطي اشويه ملح ،،
وغطي عليهم لين ما اتشوفينه اشوي ذبلوو ،،
طبعا العيش ما اتخلينه يستوي ليييين ،، طبعا اشخلييييييييه و عقب حطيه على الحشو نفس اللي اتشوفينه ف الصوره الاولى و الثانيه و اخلطي بس اشوي اشوي
وطبعا عقب سكريه ف الفرن حوالي 25 -30 دقيقه
وعقب بالهنا على قلبــــــــــــــــــكم ^^
__________________________________________________ __________
>>>> الرد الثالث :
المشاركة الأصلية كتبت بواسطة زم_قمر_ان
بســـم الله الرحمن الرحيم
اليوم بنزل لكم وصفة معكرونـــة البيتزا سويت هالطبق يوم الجمعه الى طاف
وديتهاا بيت أهل ريلى تعرفو لازم نبدع عشان حماتى تمدح وتقول عنى حرمه سنعه
المقادير
الطبقه الاولى
معكرونه مسلوقه نسلقهاا وبعدين
نحطهاا في صينية الفرن
الطبقه الثانيه
صدر دجاج مفتت
بصل
طماطم
كزبره
ملح
بهار
نفرم البصل ونحطه على النار عقب نحط عليه الدجاج ونحمره شوى
ونحط عليه الطماطم والكزبره والملح والبهار ونحركهاا لما تستوى
وعقب تحطهاا على طبقة المعكرونه
الطبقه الثالثه وهو سر الطعم الذيذ
علبة قشطه
4ملاعق مايونيز
4ملاعق جبن كاسات
نخلط الجبن والمايونيز والقشطه ونوزعهاا على طبقة المعكرونه والدجاج
وأخيراً الشكل النهائى للطبق
جبن بيتزا
فليفله مقطعه شرائح
زيتون مقطع
طماطم مقطع شرائح
والنهايه الشكل واااو والطعم لذيذ جربوهااا
[/QUOTE]
__________________________________________________ __________
>>>> الرد الرابع :
صراحة الحين انا بالدوام وبعدين بطرش لج انشاء الله بس الخوات صراحة ما قصروا يعطيهم العافية
__________________________________________________ __________
>>>> الرد الخامس :
معكرونة بالدجاج
معكرونتي سهله ولذيذه جدا جدا الصراحه
جربوها و ما بتندمون بش شوفوا شكلها كيف تشهي يمي يمي
المقادير:
معكرونه ((طبعا نفوره مع الماي وشوية زيت و ملح)) و نحط على جنب
بصل
طماطم
كزبره
ثوم
ماجي
ملح
بزار
فلفل اسود
طماطم معجون
زيت زيتون
ملاحظه: (( ممكن تضيفون الفاصوليا او الذره او المشروم او اي خضره في خاطرج))
المقادير
نفور المعكرونه في الماء و نضيف الملح و شوية زيت و نحط على جنب
نحمر البصل بزيت الزيتون و نضيف الدجاج
نضيف الطماطم و الكزبره و الثوم
نضيف الماء الساخن او المغلي مسبقا و نضيف معجون الطماطم و الملح و الماجي و الفلفل الأسود و البزار و نتريا لين ما يفور الماء و صار شوي غليظ و تشمين ريحة الطبخه
نضيف المعكرونه
المعكرونه جاهزه
ريحته عذاب يمي يمي
و بالهناء و الشفاء و شوا رايكم
الي بتنقل الموضوع تذكر المصدر بليز
و ترقبوا جديدي
سندويش دجاج فيليه
رد مع اقتباس
