عنوان الموضوع : الدجاج التركي في الفرن ,,,,,,,من مطبخ ام عبد الرحمان6 من مطبخي
مقدم من طرف منتديات الضمير العربي

اليوم عندي لكم طبق لذيذ اوفيه نكهة عجيبة

نبدا بالمقادير

2 ديايتين مقطعة حسب الرغبة ومنزوعة الجلد
علبة معجون طماطم
3 ملاعق صويا صوص
علبة زيت زيتون
علبة عصير حامض ..ليمون
علبة ماء
3 ملاعق طعام ك ماسترد وهو الخردل
3 ملاعق ك سماق
ملعقة ص فلفل ابيض+ نصف ملعقة ص كمون
نصف ملعقة ص بهارات خاصة للدجاج ..متوفرة بالأسواق
2 م ك ثوم مدقوق
ملعقة ك زنجبيل أخضر مطحون

نحط الدياي في ماعون ونضيفله الخلطة كاملة وهاي صورة



ونخليه في الخلطة مدة ساعتين على الاقل وكلما زادت المدة كلما كانت النكهة اطيب وبعدين نحطه في الصينية عسب ندخله الفرن مدة ساعتين على نار متوسطة (( انا لفيت الصينية بالاليمنيوم )) وهاي الصورة




وهاي صورة الدياي بع ما طلعته من الفرن محمر ,,,,ياسلام على الريحة فعلا تشهي




ممكن تسوي معاه خضروات مثال بطاطس ,جزر , بازلا , طماطم , بصل ,,, حسب الرغبة تحطي عليهم شوي من الخلطة و تلفينهم في ورق اليمنيوم وتحطينهم في نفس الصينية
انا سويته مع عيش ابيض بالشبت وسلطة خضراء وهاي صورة الطبق النهائي







وان شاء الله ينال اعجابكم واي استفسار انا حاضرة بس ضمان من عندي الطعم وااايد لذيذ
وســـــــــــــــــــــلا مـــــــــــــتــــــــــــــكـــــــــــــم

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
ماشالله الطريقه شكلها يشهي

تسلم ايدج

بس شو تقصدين بالعلبه؟

__________________________________________________ __________

>>>> الرد الثاني :

المشاركة الأصلية كتبت بواسطة كرز.كوم
ماشالله الطريقه شكلها يشهي

تسلم ايدج

بس شو تقصدين بالعلبه؟




علبة معجون الطماطم العلالي او غيرها

__________________________________________________ __________

>>>> الرد الثالث :
تسلمييييييييييييين ع الوصفة .. بس اختيه بغيت اسألج والسؤال عبيط شوي
بصراحة ما عندي خبرة بالشوي .. بس يوم تحطين الدجاج بالفرن تشغلين الحرارة من فق وتحت والا بس من فوق ؟؟؟
ادري السؤال يضحك بس شو اسوي .. ولا مرة شويت بالفرن خخخ

__________________________________________________ __________

>>>> الرد الرابع :
تسلم ايدج


على الوصفة واكيد بنجربها

__________________________________________________ __________

>>>> الرد الخامس :

المشاركة الأصلية كتبت بواسطة اصدى الصمت
تسلمييييييييييييين ع الوصفة .. بس اختيه بغيت اسألج والسؤال عبيط شوي
بصراحة ما عندي خبرة بالشوي .. بس يوم تحطين الدجاج بالفرن تشغلين الحرارة من فق وتحت والا بس من فوق ؟؟؟
ادري السؤال يضحك بس شو اسوي .. ولا مرة شويت بالفرن خخخ



انا شغلته من فوق ومن تحت