عنوان الموضوع : عشانا هالمره غيرررررر .... حياااكن
مقدم من طرف منتديات الضمير العربي

طبعا نزولا عند رغبة بعض العضواات .... اللي طلبن مني وصفاات لبعض الوجبات ..


حبيت انزل لكم وجبتين اليوم سويناهن عالعشا .... وأي استفسار أنا حاضرة ..


اول أكلة ....هي المعكرونة بالباشميل ... وهاي بخلطتنا الخاصة ..

طبعا انا فورت المعكرونة ... وبديت اسوي الحشوة اللي بحطها داخل المعكرونة وهاي هي خطواتها ... :


اول شي نحط زيت + قطع بصل + فص ثوم نقطعه صغار ..




نحط فلفل أخضر + حبة ماجي..




انحط الطماط ..




انحط الدياي ... طبعا الدياي لازم قبل انفوره... وانا اخترت صدرين دياي وفورته وعقب قطعته شراايح وحطيته في الطابي مثل ما اتشوفون وحطيت فوقه البهارات التالية بمقدار ملعقة صغيرة : ملح + فلفل + كركم + قرفة + بهارات التندوري + ريحان + زعتر ( أغلب أكلاتي فيها هالنوعين من البهارات لأنهم يعطون الأكل مذااق رائع )





وانحط كل المكونات ...



وعقبها انحط كزبرة ...ونخلطهم مع بعض ..







يتبـــــــــــــــــــــــــــــــــــــــــــــــ ـــــــع ...

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
والحينه انسوي خلطة الباشميل ...


انحط ملعقتي حليب نيدو + كوبين ماء + ذرة ملح + ذرة فلفل ... عقب ما يغلي الخليط نحط خلطة الباشميل من كنور تدريجيا ونخلط المكونات مع بعض لين ما يغلظ الخليط



وهاي هي الخلطة من كنووور..





والحينه انييب البايركس ... وانحط فيه المعكروونة .... وانصب اشويه من خلطة الباشميل ... وانحط اشويه جبنة الموزريلا .. ونخلطهم مع بعض .... في هالصورة انا بعدني ما خلطتهم




وانحط الحشوة ...





وعقب انرد انحط مره ثانيه طبقة من المعكرونة وانصب فوقها خلطة الباشميل ...




وانحط جبنة الموزريلا وانرش اشوية زعتر ... واندخلها في الفرن ...





وهذه شكل المعكرونة عقب ما ظهرتها من الفرن ...




سوري بنات .... انا نسيت اصور المعكرونة عقب ما قطعناها ... وعقب رديت صورتها وكانت هاي آخر قطعه خخخخخخخخخخخخ .... سوري عالتصوير البايخ موباايلي كيمرته أي شي...






يتبـــــــــــــــــــــــــــع

__________________________________________________ __________

>>>> الرد الثاني :
أنا أبا المعكروونة وهي بيضا شهيتيناااااااااااااااااااااااااااااااااااااااااااا ااااااا
تسلمين (كلي عطا) على هالطرح الي يتلألأ في سما منتدى سيدات الإمارات
وتصوريرج حلووو ما فيه شي والمعكرونه شكلها يقوول خوووزا عني يمي يمي يمي
يعني كلما بنطلب منج تصوين صوري أوكي ^_^

__________________________________________________ __________

>>>> الرد الثالث :
أما وجبتنا الثانية فكانت عبارة ... عن كاسات الدياي بالموزريلا ..

طبعا هي عبارة عن صمون نحشيه بالدياي ...


اول شي بنسوي الحشوة ..



انحط زيت + بصل + حبة ماجي




انحط الدياي ... والدياي كالعادة مثل ما قلت قبل اكون امفورتنه وعقبها ... اقطعه شراايح واحطه في الطابي ... واحط فوقه جزر مبشور مع البهارات التاليه : فلفل + ملح + بهارات التندوري + زعتر ..




ونخلطهم مع بعض ...



عقب نحط الخلطة في طااسه وانحط فوقها جبن بوك ومايونييز ...ونخلطهم مع بعض




وانييب الصمون ونقطعه قطعتين .... وانشل اللي داخله ... وانحط فيه الحشوة ... وانصفه في صينية الفرن ...



وانحط فوقه جبنة الموزريلا ... وانا على صوب سويت الخبز بالثوم وحطيت فوقه بعد جبنة الموزريلا ...وصفيتهم في الصينية وحطيتهم في الفرن ..





وهذه شكله عقب ما ظهرته من الفرن ... جاهز للأكل ..

__________________________________________________ __________

>>>> الرد الرابع :
تسلمين

__________________________________________________ __________

>>>> الرد الخامس :
[
QUOTE=فتاة راك;6227668]أنا أبا المعكروونة وهي بيضا شهيتيناااااااااااااااااااااااااااااااااااااااااااا ااااااا
تسلمين (كلي عطا) على هالطرح الي يتلألأ في سما منتدى سيدات الإمارات
وتصوريرج حلووو ما فيه شي والمعكرونه شكلها يقوول خوووزا عني يمي يمي يمي
يعني كلما بنطلب منج تصوين صوري أوكي ^_^[/QUOTE]


اشكر فنج والله على هالكلام الحلووووووووووووو ... أخجلتي توااضعي.....

فديييتج ولله كلالالامج اسعدني ... لا تحرميني منه ..