عنوان الموضوع : على اني ماني مصريه بس اتحدى اقدعها كشري مصري << ثقه .. من مطبخي
مقدم من طرف منتديات الضمير العربي

على اني ماني مصريه بس اتحدى اقدعها كشري مصري << ثقه ..

- تسلقين الرز مع شعيريه ..
-تسلقين نوعين من المكرونه مع بعض .. الاشكال تكون مختلفه ..

بالنسبه للكشري طبعااا عقب مااا تسلقينه وتصفينه ... تحمسين تقريبا بصلتين مقطعين جوانح بزيت ولما يذبل البصل تضيفين له الكشري وتحطين معااه مكعب ماجي وشويه دارسين يادوب رشه وفلفل اسود وصلصه طمااط ( تقريبا نص علبه ) .. وتضيفين له 4 فصوص ثوم مدقوقه وملعقتين صويااا صوووص .. عشان تعطيك حموضه وطعم ..

- تدقين فصين ثووم وتضيفين لهم عصير ليمونتين ومقدار من الخل وملعقه وحده فول الصويااا ...

الحين لماا ترتيبن طبقات الرز والمكرونه والكشري راح تسويين التالي :

- حطي طبقه رز ورشي فوقها ملعقتين من عصير الليمون المخلوط بالثوم وصلصه الصويااا والخل وحطي فوقهااا طبقه من الكشري وبعدين حطي طبقه من المكرونه المسلوقه ( نوعين ) ورشي فوقهاااااا عصير الليمون المخلوط بالثوم والصوياا والخل ... وجذي الين تخلصين المقدااار وخلي الطبقه الاخيره تكون الكشري ... ورشي باقي عصير الليمون على الوجه ...

- تكونين مقطعه الخبز العربي بطريقه الجاينييز ... اصابع ضعيفه طويله ماتكون طويله وايد اقصى طول بطول اصبع ايدك الصغيررر ... والسماكه تكون خفيفه .. وتحميرنها بالزيت .. الشكل النهائي بتكون مثل عيدان الشبس الرفيعه الي يبيعونهااا جاهزة للاكل .. يارب تكون الصورة اوضحت .. واذا ماوضحت الصورة تذكري طريقه الجزر والملفوف في السلطه الصينيه وان شاء الله بتعرفين الشكل الي اقصده ..

المهم

تاخذين هالخبز الي حمرتيه وتحطينه فوق الطبقه الاخيره ( فوق الكشري ) .. وتدخلين الطبق الفرن شوي عشان يتسبك زين ..وبس بالعافيه ان شااء الله ..


طبعا يقدم معه الدقوس .. وبالعافيه ان شاءالله

جربوهااااااا وتشوفووو

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
تسلمين ع الوصفة الحلوة

__________________________________________________ __________

>>>> الرد الثاني :
بس شو تقصدين بالكشري ؟؟؟؟؟ تقصدين العدس الكامل بالقشرالاسود؟؟؟؟

__________________________________________________ __________

>>>> الرد الثالث :
شكررررررررا

احب الكشري

__________________________________________________ __________

>>>> الرد الرابع :
بالتووووووووووووووووووووووووفيق

__________________________________________________ __________

>>>> الرد الخامس :
يسلموو يالغلا