عنوان الموضوع : سي فود ..بس بطريقه تشهي !! المطبخ الاماراتي
مقدم من طرف منتديات الضمير العربي

السلام عليكم ورحمة الله وبركاته


اليوم وانا ادور طبق سي فود عشان اسويه على الغدا

شفت طريقه عجييبه وسريعه وشكلها لذييذذه بعد تدرون ليش لانها مسوايه على الفحم

وطلعة في البر ... وخاصه يوم يمسك زمام الامور واحد من الاهل خخخخخ ( تطلع ابداعات الشباب )

تعالوا شوفوا الطريقه ترا تنفع ادخلونها الفرن ...

وراعي الطبخه مسمنها ( Top rpm )



المكونات
مثل مانشوف في الصورة

1- ربيان منظف من جهة الظهر
2-نغر (حبار)
3-حبول (بيض سمك)
4-حبول نغر

[IMG]https://uaesm.*******.com/up/uploads/3dce1f15de.jpg[/IMG]


هذة الخلطة (البهار)
1- ملح
2-فلفل احمر
3-فلفل اسود
4-كركم
5-ماسترد(صلصة خردل)
6-نص كوب ماء
نخلطهم مع بعض ونسوي منهم شبة سائل نخلط فية الربيان واللي ومعاة نغر وحبول ونخلية نص ساعة

[IMG]https://uaesm.*******.com/up/uploads/e20f90c0ed.jpg[/IMG]

خضرة
1-بصل احمر
2-بصل اخضر
3-ثوم
4-طماط


[IMG]https://uaesm.*******.com/up/uploads/556bfd0ec1.jpg[/IMG]



بعد مانخلط الربيان مع خلطه البهار نصفة في صحن الألومنيوم


نحط تحت البصل وفوقة النغر وبعدة الربيان واخر شي الحبول ونحط الخضرة فوق

ونعطية كم رشة حنان تباسكو


[IMG]https://uaesm.*******.com/up/uploads/9b211bd6d5.jpg[/IMG]


نسكر الألومنيوم عدل ونشب الضو لين ماطيح ونحط الصحون فوقهن مايحتاج نار قوية خليه من 30-35 دقيقة وبعد ماتشمين الريحة خليه 10 دقايق وبعدين يكون معاج نفس الصورة [IMG]https://uaesm.*******.com/up/uploads/cb820fae8b.jpg[/IMG]

وبعد ماتطلع الريحة الناجحة افتحي الألومنيوم وسمي بالرحمن


[IMG]https://uaesm.*******.com/up/uploads/0bef6305fd.jpg[/IMG]


وعليكم بألف عاااااااااااااافيه ^^

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
نااااايس ابداع بصراحه و شي مبتكر
تسلم يدييج ^^

__________________________________________________ __________

>>>> الرد الثاني :
اب اب اب

__________________________________________________ __________

>>>> الرد الثالث :
يم يممممممممي
اتخبل ع السي فوووووود


تسسسسسسلم الايآآآآآدي
ويعطيج العآآآآآآفيه

__________________________________________________ __________

>>>> الرد الرابع :
ما شاء الله حلو

__________________________________________________ __________

>>>> الرد الخامس :
يممي يمممممممي ^^