السلام عليـكم ورحمه الله وبركـــاته ,,
شحالكـن حريم وبنوتات !!
ان شاءالله بخيــر ,,
اليوم بقدم لكن باستا الربيان بالكريــما
هاي تعتبر الوجبه المفضـله في بيتنا
وكل مره اغير لهم مره بالربيان ومره بالدجاج
على حسـب رغبـــتهم ,,
ان شاء ءالله الطريــقه تكون سـهله عليـكـن
بسـم الله نبــــــــــــــدأ
المقاديــر :
معــكرونــه
ربيــان
فلفل حــلو مقطع قطع طوليه
جزر مقطع قطع طوليه
بهارات حسب رغبتج انا استخدمت ( فلفل اسود +ملح + فلفل احمر + بزار عربي )
1 قطعه مكعبات ماجي
بصــل + ثوم
علبه قشـطه
كريــما
زيتون اسود حسب الرغبه
جبن موزريلا أو بوك
زيــت
الطــريقه :
اول شيء تطبخيـن المعكرونه بالطريـقه المعتاده
نبــدأ بالخــلطه
اول شيء تفورين الربيــان بشويه ماي مع ملح عشـان تروح الزفره ,,
عقب تحطيـن في الجدر اشويه زيت وتحمرين البصل والثوم وتضيفين عليه الربيـان لين ما يتحمر اشويه ,, عقب تحطين الفلفل والجزر وتقلبين اشوي وبعدها ضيف البهارات ومكعب الماجي ,,والزيتون ,, ونحط القشـطه عليه ونخلط مع بعض ونتركه لمده 5 دقايق
في صيـنه البايركس حطيـت اشويه معكرونه
عقب حطيـت اشويه من خــلطه الربيــان
نخلطــه اشويه على الخفيف بحيث ان يمتزجون مع بعض ,,
بعدها نرش الجــبن
انا استخدمت جبـن بوك وهذي صورته
بعدها نحط طــبقه المعكرونه الثـــانيه ,,
نحط باقي خــلطه الربيــان على الوجــه ونوزعها كـــامل الصــينيه
اخر شــي نصــب عليـها الكــريمـــا ,,
وهذي الكريــما اللي انا استخدمها ,,
ونحطها بالفرن على درجه 180 لحد ما تستوي , ,,
وهذي النتيــجــه ,,
اذا عجبكم موضوعي اذكروني بدعوه صـــادقه
اختــكم
تريزووور
رد مع اقتباس
