كتف ضانى مشوى بتتبيلتى الخاصة
ف الخلاط حطيت 2 بصلة 1 طماطم شويه خل ملح فلفل اسود رشه كمون بهارات لحمة بابريكا رشه توم بودرة وبصل بودرة معلقة صغيرة نسكافيه العادى ( محدش يستغرب ودى اختيارى ) دبس رمان معلقة كبيرة ومعلقة كبيرةورشيستر شاير صوص ومعلقة سكر
نضربهم ضربا مبرحا تبلى بيها اللحمة من بليل
حطيها ف بايركس مع التتبيلة وشويه مايه غطى بفويل ولما تستوى شيلى الفويل لو عايزة تحمريها بالشوايه اوك انا ماعملتش الخطوة دى والف هنا اللحمة ريحتها وطعمها تحفة
طريقة عمل الارز
ف حلة على النار حطيت شويه زيت عباد شمس مع حتة صغيرة سمنه
نزلت بمعلقة كبيرة بصل شرايح لحد ما بقى بنى طلعته ف طبق ونزلت بباقى البصل الشرايح حوالى 1 بصلة كبيرة او 2 حسب ماتحبى
لما يبدأ يبقى لونه دهبى حطيت جزر مبشور وملح وكركم وعيدان قرفة وورق لورا وحبهان لما ريحتهم تبدأ تظهر حطيت فلفل اخضر و شوربه و ولما غلت نزلت بالرز لحد ما استوى حطيت فوق الوش معلقتين من مايه منقوع فيها زعفران وده لو متوفر عندك
بيتزين بالزبيب واللوز المتحمص مع البصل اللى طلعناه ف الاول
المشاركة الأصلية كتبت بواسطة مونتاج
رد مع اقتباس
