عنوان الموضوع : ذوقـــــي سندويشاتي اليمــي يمــي بتاكلي اصابعج وراهــــــا طبخ الامارات
مقدم من طرف منتديات الضمير العربي

صبــــــــــاح الخير يا حلوت المنتدى

اول شي اسمحو لي دومي انسى اصور الأكل يوم اسويه وانا فاشله بالتصوير ويوم بنزل الصور يوووووله

المهم اتمنى طريقتي واختراعي يعيبكم

اول شي المقادير:

صمون (يفضل النوع الكبير شرات مال صب وي عسب تكفي)
بصل ثوم وزنجبيل هال 3 اللي مالي غنا عنهم
تونا
دياي صدور
باذنجان
كوسا
بطاطس
طماطم
مايونيز زعتر
كاتشب
خردل
مكعبات ماجي
جبن بوك وجبن شيدر مبشور
صلصة طماطم


الطريقه:

الحشوة الاولـــــى:

شوية زيت في تاوة شوحي عليه البصل المقطع شرائح والثوم والزنجبيل المطحونين
حطي التونه عليهم وقلبيهم
حطي صلصة الطماط وملعقة خردل
حطي مكعب ماجي واحد اخر شي زيدي شوية ماي وخليه لين ينشف


الحشوة الثانيه:

وغري الدياي الصدور
نتفي الدياي بعد مايستوي شرات الخيوط جي

طريقة حشو الصمون (السندويشه):

قصي الصمونه من النص في الويه الأول امسحيه بجبن بوك
الويه الثاني من الصمونه امسحيه بميونيز الزعتر
حطي خلطة التونا او الدياي عندج نوعين
حطي مكس من الباذنجان والكوسا والبطاطس ( طبعا يكونون مقليين ومقطعين مكعبات صغار)
حطي شريحتين رفاع طماطم
اخر شي حطي الجبن الشيدر المبشور عليهم صكي الصمونه وغلفيها بالقصدير وحطيها داخل الفرن او الجهاز الخاص بالسندويش نفس مال الكفتريات

اتمنى تعيبكم انا سويتها حق ابو عيالي وعيبته وايد سويت معاها بطاط مقلي مال الفريز وفتوش وذرة

لا تنسوني بالدعاء وتقبلو تحياتي وهنا وعافيه




>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
تسلم ايدج فديتج

__________________________________________________ __________

>>>> الرد الثاني :
مشكوووره

__________________________________________________ __________

>>>> الرد الثالث :
الله يسلمكم حبيباتي نورتو بحضوركم

تحياتي

__________________________________________________ __________

>>>> الرد الرابع :
تسلم ايدج ..

__________________________________________________ __________

>>>> الرد الخامس :
تسلم ايدينك يااامابدعه

بس الصور لها دور في فتح الشهيه

لك ودي