عنوان الموضوع : مفن كيك بطعم ستااار بكس لا يفووووتكم<<< من مطبخي
مقدم من طرف منتديات الضمير العربي

السلام عليكم

طبعا كلكم تعرفون كيكة دبل شوكلت مفن الي تنباع في ستار بكس
بعطيكم طريقة كيكة نفس طعمها مع شوية اضافات وتقدرون تسوونها في البيت في نص ساعة
وصدقوني كل يوم بتسوونها من حلاتها والله ان في البيت يوميا يطلبونها اني اسويها لهم


المقادير

(المقادير هذه تكفي 5 - 6 اشخاص)

كوب زيت
كوب سكر
كوب ماء
4 ملاعق حليب بودرة
4 ملاعق بودرة الكاكاو
فانيليا
بيضة وحده
كوب طحين رقم واحد
ملعقة كبيرة بيكنج بودر
- ملعقة نشا


الطريقة:

الخطوة الاولى:

نحط المقادير التالية في الخلاطة
- كوب زيت
- كوب سكر
- كوب ماء
- 4 ملاعق حليب بودرة
- 4 ملاعق بودرة الكاكاو

ينضربون كلهم في الخلاص لين يصير معانا خليط متجانس

اخذ من الخليط مقدار كوب كامل واحطه على جنب لعمل كريمة الكاكاو

الخطوة الثانية:

- نضيف بيضة على الخليط المتبقي في الخلاطة + شويه فانيليا
- ونضربهم كلهم في الخلاط
- ننخل الطحين مع البيكنج باودر
- نشغل الخلاط الي في الخلطة ونبتدي نضيف الطحين شوي شوي لين نخلص

بعدين انييب صينيه مدهونه بالزيت ومغطايه بالطحين عشان ما يلتصق الكيك في القاع
ونصب الخليط في الصينيه وندخلها الفرن على درجة حرارة 350

في هذه الاثناء نسوي الخلطة السرية

الخطوة الثالثة:

تذكرون الكوب الي حطيناه على برد
نصب الخليط في قدر صغير ونحطه على النار
ونجهز نصف كوب حليب بارد مع ملعقة من النشاء ومضاف اليهم ملعقة سكر
ونصبه على الخليط مع الاستمرار في التحريك لين يصير عندي خليط الكاكاو المتجانس

اول ما تخلص الكيكة نقلبها على صينية التقديم ونصب فوقها مزيج الكاكاو
ونرش فوقه المكسرات وجوز الهند

وتطلع عندكم احلى كيكة بنفس طعم ستار بكس

والي يبى يسوي نفس طريقة ستار بكس
تقدرون تحطون الخليط في صينية تكون خاصة بالمفن وقبل لا نحطها في الفرن نضيف للخليط حبوب الكاكاو


بالعافية عليكم
(( منقووول ))
للأمانه جربتها وطلعت روووعه جربوها ومابتندمون
بس بودرة الكاكاو لاتستخدمون غير مال العلالي اللي تكون بنيه داكنه تطلع احلى بوااايد وألذ
وهذي صورة الطبق اللي انا سويته


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
وين الردود يا بنات

__________________________________________________ __________

>>>> الرد الثاني :
مشكوره حبوبه..

ع هالنقل..


بجربها انشاالله..

__________________________________________________ __________

>>>> الرد الثالث :
مشكورة الغاليه وان شاء الله اني بجربها ...

__________________________________________________ __________

>>>> الرد الرابع :
مشكووووووووووووورة الغالية

__________________________________________________ __________

>>>> الرد الخامس :
يزاج الله خير