حلى البلاك بيري
(يا بلاك بيري ) عوجت أرقاب خلق الله
كلٍ عقب ( نغمتك ) عينه لـ/ جواله .!
جعلت بقلوب , وعقول الملآ .. خلـه !
قد شفت مخلوق عاقل يضحك لحالـه ؟
3 بيضات
فنجانين سكر ( =7 ملاعق كبيره تقريبا )
شوية فانيلا
نخلطهم مع بعض بالمضرب اليدوي ,
بعدين نضيف عليهم
كاس ونص حليب بودرة .. _ نيدو _
كاس ونص ماي ..
( لازم تكون كمية الحليب مساوية للمويه )
ونخلطهم ,
تصير الخلطه سائله مايله للثقل شوي ,
موب ثقيله مره ,
الحين نجيب فنجانين سكر .. ونحطهم ع نار هاديه لما تذوب وتصير سايله ..,
بس مانخليه يصير بني مره عاد ..
نحطها بصينية التقديم
ونحرك الصينية لما تتغطا من تحت كلها ..
ونجيب الحين صينية اكبر ونحط فيها ماي مغلي ..
بعدين نجيب الصينية اللي حطينا فيها السكر
ونحطها داخل الصينيه الكبيره اللي فيها الماي , _ بالعربي بنسوي حمام مائي _
بعدين نصب عليها الخلطه اللي سويناها شوي شوي " داخل الصينيه الصغيره طبعا
ونخليها بالفرن ساعه الا ربع على درجة حرارة 350 ,
المفروض بعد نص ساعه تدخلين السكين وتشوفين ..,
لأن ممكن تستوي معك قبل الساعه الا ربع ..
على حسب الفرن :/
عاد لما تستوي ..
نطلعها من الفرن 5 دقايق بس .. وندخلها الثلاجه اقل شي 4 ساعات والأفضل انها تطول أكثر ..
ونقدمها .. وبالهناء والعافيه على قلوبكم..
المشاركة الأصلية كتبت بواسطة ميمي الوثبه
رد مع اقتباس
