عنوان الموضوع : اللي تبي تتعلم طريقة عمل الخبيص الاماراتي حياها الله المطبخ الاماراتي
مقدم من طرف منتديات الضمير العربي
مرحبا خواتيه اليوم يبت لكم طريقة الخبيص الاماراتي سهله واااايد
المقادير
قوطي سميد
قوطي سميد "ماي" تقايسين بالماي
فنجانين سكر "على حسب الرغبه
هيل زعفران
سمن بلدي
الطريقة
تحمسين السميد في مقلاه حتي يصير لونه مايل لشقار مثل الصوره
ولما يشقر تشيلين المقلاه وتحطينها على جنب
وبعدين تيبين طنجره وتحطين السكر وبتحطينه على النار وتحركين وتشوفين السكر لين ما يصير لونه ذهبي وبعدها تحطين الماي حطي الهال والزعفران وتحركين لين ما يذوب السكر في الماي تمي حركي وتحركين
وبعدها تحطين السميد وتمي حركي عاد الحين نبي قوة تمي حركي حركي شوي شوي وقصري على النار
هذه اول ما حطينا السميد
شوفي لما تحركين يصير نفس هذا الشكل بس بعدنا ما خلصنا تحطين سمن كلما حطيتي سمن صارت الخبيص تتناثر وما تتكتل
شوفي كيف صارت لزم تحركين وبستمرار وفي كل الاتجاهات تحركين مو مشكله اذا طبق الجدر بس تمي حركي واذا شفتيها متكتله زيدي سمن وحركي
والحين شوفو شو صار متناثر ونضى
اهنيه بعد ما حطينا له نارجيل وااايد حلو
]
وان شاء الله وضح الشرح بس الخبيص واااايد سهل واذا سويتيه اول مره وتعبتي شوي ثاني مره بيصير سهل هي سهله بس يبالها تحريك وبس ولازم تحركينه بمغرفه حديد احسن
وبالعوافي على قلوبكم ولا تنسوني من صالح دعائكم
اللهم اسألك ان تحفظ لي اولادي وتجعلهم من الصالحين يارب العالمين
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
مشكوووووووووووووووووورة فديتج تسلم الأيادي........
__________________________________________________ __________
>>>> الرد الثاني :
يمييييييييييييييييييييي شهيتينا
تسلم ايدج
__________________________________________________ __________
>>>> الرد الثالث :
تسلم ايدج حبيبتي
__________________________________________________ __________
>>>> الرد الرابع :
تسلم ايدج من زمان خاطري اتعلم الطريقه بصراحه حلوه
__________________________________________________ __________
>>>> الرد الخامس :
تسلمين على الطريقه السهله
والله يحفظ لج اولادج ويجعلهم من الصالحين يارب العالمين
رد مع اقتباس
