عنوان الموضوع : كيكة روح الاتحاد ،،، بالصور من مطبخي ^^
مقدم من طرف منتديات الضمير العربي

الســــــــــــــلام عليكم ،،

حبَ آلوطنْ ما هو مجرد حكاية ’’ أو كلمة تنقالَ بأعذبَ أسّلوبَ
حبَ آلوطنْ إخلـاص ، مبدأ وَ غآية ،، تبصر به عيونْ وَ تنبض به قلوبَ

وكل عااام والامارات وأهلهااااا بألف ألف خير ،،

تضامنا مع احتفالات بلادي بعيدها الأربعين ،، وعشان نعيش الأجواء وياكم قررت أسوي كيكة لليوم الوطني ^^ ،، ونحتفل من خاارج الحدود بعيد بلادي الغالية الامارات ،،

شوفوها وعطوني رايكم فيها

المقاادير،،

اصبع ونص زبدة ( 150 جم تقريبا )
كوب ونص سكر
بيضتين
ملعقتين صغار فانيلا
كوب وربع حليب
كوبين ونص طحين
ملعقتين ونص (صغار) باكنج باودر
ربع ملعقة صغيرة ملح

أول شي شغلي الفرن بدرجة حرارة 180 ( أو حسب فرنج ) ،،، واخلطي الطحين والباكنج باودر والملح مع بعض ،،

الحين وباستخدام خلاط الكيك اخفقي الزبدة مع السكر ،،



اضيفي البيضتين واخلطي



الحين حطي الفانيليا وكملي خلط




والخطوة الأخيرة اضيفي الطحين والحليب بالتناوب ،،،



يعني اضيفي طحين شوي واخفقي ،، بعدها نص كمية الحليب واخفقي ،، وارجعي ضيفي طحين ،، وبعدها الحليب ،، وآخر شي الباقي من الطحين ...

وهذي صورة الخليط النهائي ،، بيكون ثقيل شوي مب خفيف



صبيه في صينية الفرن ،، ودخليها الفرن لين تستوي ^^




بعد ما تستوي طلعيها من الفرن وخليها تبرد ،،، ( سوري نسيت اصورها بعد ما طلعت من الفرن )

الحين بنبدا بالتزيين ،،،
انا استخدمت الكريما ،، وعجينة الآيسنج ..
وطلبت من مخبز يطبعولي شعار روح الاتحاد على شريحة آيسنج ،،، وهذي صورته يوم وصلني ^^



وهني الكريما بعد ما خفقتها



الحين قسمت الكيكة بالنص ،، حطيت النص الأول ودهنته بالكريمه ،،



المفروض احط فواكه بعد بس للأسف نسيتها ،، ما تذكرتها الا عقب ما جهزت الكيكة ،،

وغطيتها بالنص الثاني ،، وبعد دهنتها بالكريمة ،، وما كثرت كريمه هني ،، خليتها طبقة خفيفة لأني بغطيها بالآيسنج ،،



وهذي صورة الآيسنج اللي استخدمته ،، اللي عاليمين الآيسنج واليسار سكر بودرة يسهل علي الفرد ،،






>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
فردت العجينة على ورق زبدة ،، وبعد رشيت كمية من سكر البودرة ،، ماخذة كل الاحتياطات عشان ما تلزق هههه




غطيت الكيكة كاملة بالعجينة ،،، ولا تدققون فالفوضى اللي وراها لووول ،، المطبخ صااار جنه في حالة حرب




وهني سويت شريطة بالعجينة ،،، ولزقتها على أطراف الكيكة




فتحت شريحة الآيسنج المطبوعة ،،، ودهنت الكيكة من فوق بشوي ماي عشان تلزق ،، وحطيت شريحة الآيسنج فوقها







وأخيرا زينت أطراف الكيكة بالكريمة ^^



ولو تلاحظون في جزء من الشريطة تشقق شوي ،، فسويت ريبونه من الآيسنج وغطيته فيها


وهذي كيكتنا ^^



انتظر ردكم ،، ورايكم ^^

__________________________________________________ __________

>>>> الرد الثاني :
ماشاء الله عليكم تسلم ايدينج علي خطوات الواضحه.

__________________________________________________ __________

>>>> الرد الثالث :
ما شا الله

يعطيج الف عافيه

حبيت اسألج الايسنج الجاهز من وين ماخذتنه ؟

وتسلم الايادي يارب
^^

__________________________________________________ __________

>>>> الرد الرابع :
روووووووووعه كلج فن وذوق

__________________________________________________ __________

>>>> الرد الخامس :
ماشاء الله خباااااااااااااااااااااااااااال =)
روعة تسلم ايدج ،. كيف يسوون الكريما ^^"