عنوان الموضوع : هبوط ؟..الصداع؟.. المطبخ اماراتي
مقدم من طرف منتديات الضمير العربي

بنااات بغيت حل تعب كل ما اركب سياره ولا اي وسيلة نقل يصيبني دوران واتم ارجع عزكم الله واحيانا يصيبني هبووط وما احب اظهر مكان وسبب من الي يصيرلي ورحت المستشفى سويت فحوصات كامل الحمدالله كله اوكي وفي كذا مستشفى لاني كنت مب مصدق وحده من عيادات قالتلي العلاج انج تسوقين ههههههاي اوونه هيه نفس حالتي ويوم ساقت خفت عنها الحاله وانا عاد خير شر اخاف قلبي ضعيف انا يوم اركب عند اختي قلبي بين ريولي هههههههههههاي المهم اريد حل لا تبخلوو عليه بنصايحكم

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
اذا قالولج انه هذا هو الحل معناته انه اللي يستويلج هذا نفسي يعني حاله نفسيه اذكر اول كانت بنت يرانا صغيره لما توديها امها المدرسه لازم ترجع عزج الله لانها كانت ما تحب المدرسه وتبغي تيلس في البيت فقالولها انه انه بنتج اللي فيها نفسي فحاولي تحببينها في المدرسه والحمد لله خاز عنها والحين هي في الجامعه فانتي يمكن تخافين من السياره او من السيايير في الشوارع تمين على أعصابج فقوي قلبج شويه وبعدين فيه حبوب للدوار تنباع في الصيدليه تاخذينها اذا كنت مضطره وسلامج

__________________________________________________ __________

>>>> الرد الثاني :
كثري طلعاتج بتخوز عنج هاالحاله لانه زمان اول امهاتنا يوم كانن يركبن في السياره كانن ايزاوعن وتييهن دوخه وحالتهن حاله لين ما اتعودن

__________________________________________________ __________

>>>> الرد الثالث :
صح يبغي تعود وشجاعة قلب

حتى اتلاحظين بعض الخدامات نفس الحاله ...

لانه في بلادهم ماشي سيايير ..ومب متعودين

بس لازم تتغلبين علىالمرض بنفسج بقوة وعزيمه

ولا اتحطين عبالج ...

__________________________________________________ __________

>>>> الرد الرابع :
الله يسلمكن والله ماقصرتن احيانا اطر اخذ حبوب عسبت ما ارجع عزكم الله وعسى خير *_^

__________________________________________________ __________

>>>> الرد الخامس :
اللي فيج حاله نفسية مش دوار او هبوط ...