عنوان الموضوع : كدمات في جسمي!! لمائدة رمضان
مقدم من طرف منتديات الضمير العربي
السلام عليكم
اعاني من وجود كدمات في جسمي .
وهذي الكدمات تكون سودا وعنابي وخضرا ومكانها مؤلم .
شو اسباب هذي الكدمات .. للعلم ما اتعرض لأي ضربه او طيحه ..
بصراحه وايد مستغربه .
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
روحي عند مطوع ثقه يقرا عليج اختيه .. يمكن فيج شي
__________________________________________________ __________
>>>> الرد الثاني :
المشاركة الأصلية كتبت بواسطة PrinCess Jory
روحي عند مطوع ثقه يقرا عليج اختيه .. يمكن فيج شي
بسم الله الرحمن الرحيم ,, لا تخوفيني
__________________________________________________ __________
>>>> الرد الثالث :
ما يبالها مطوع ولا هم يحزنون ،،،
مرات يمكن وانتي راقده دعمتي شي بدون ما تحسين أو أثنا ما تمارسين حياتج العادية ،،
وهي كدمات وتروح ،، انا مرات ينكسر ظفري وماعرف إلا عقب انتبه انه انكسر وهلم جرا ،،،
اذا حسيتي الكدمات زايدة ومنتشرة بشكل كبير هني راجعي الدكتور بس اذا كانت مجرد بروز وكدمة بسيطة تختفي
أمورج طيبة
__________________________________________________ __________
>>>> الرد الرابع :
انا قريت بمقال طبي ان نقص احدى الفيتامينات يسبب بقع مثل الكدمات .. حتى احيد بنت اختي قبل ريولها كدمات الوان واشكال وما كانت اطيح ولا شي
__________________________________________________ __________
>>>> الرد الخامس :
ما اعرف الصراحة
ان شاء الله حد يفيدج حبوبة
للرفع
رد مع اقتباس
