عنوان الموضوع : ضروري بخصوص خياطات الولادة المطبخ اماراتي
مقدم من طرف منتديات الضمير العربي
مرحبا ؛ خواتي؛ شحالكن؛
بغيت أسأل بخصوص الخياطة متى تطيح وشو لازم استخدم؛ انا كملت تقريبا عشرين يوم والخيوط بعدها ؛ وأحس بعوار في المنطقة الخلفية ؛ شو الحل برايكم اللي مجربه تخبرني
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
استخدمي المره وملح فارس منقوع في ماء الله يسعدج
__________________________________________________ __________
>>>> الرد الثاني :
فديتج لو الخيوط خارجية استخدمي ميبو وبتروح
ولو داخلية انا تميت شهر وعشر اياام وكلنت تعورني بس قالتلي الدكتورة شليها من راسج ولا تفكري فيها وبتروح
انتي لا تحاتي وتصبري
__________________________________________________ __________
>>>> الرد الثالث :
انا كملت شهر وماطاحت الخيوط
رحت عند الدكتورة وهزبتني
قالت كان لازم تييني بعد اسبوعين من الخياطة
كانت الخياطة مسسبة لي ريحة والسبب التهاب
شلتهم لي وارتحت منهم الحمدلله
عطتني مطهر ببتادين وكريم عن الالتهاب
وبخصوص الالم في المنطقة الخلفية يمكن عندج جرح او شرخ شرجي يسمونه، فيه كريم حقه
راجعي الدكتورة نصيحة مني
__________________________________________________ __________
>>>> الرد الرابع :
الغاليه انسي الماي والملح وعليج بكريم ميبو
انا مافتح الخياطه عندي غير الملح والماي حتى الدكتوره في مستشفى الكورنيش قالت مب زين الماي والملح يذوب الخيوط والجرح يكون بعده مالأتم .
واذا كنتي متألمه وايد روحي المستشفى احسن يمكن يكون عندج التهاب لا سمح الله ولاتحادين امور بسيطه كلنا مرينا فيها .
__________________________________________________ __________
>>>> الرد الخامس :
ايلسي فـ?ـي ماي دافب وملح وحطي وياه بيتادين غطاتين تقريبا
حتى ما يلتهب عليج الحرج وٌِْ’ الخيوط اللي برع حطي عليها ميبو
واذا ماطاحت خلال 10 ايام سيري العياده خلهم يشلولج اياها
رد مع اقتباس
