عنوان الموضوع : ساعدوني .. والله بصيح ... تغذية صحية
مقدم من طرف منتديات الضمير العربي
السلام عليكم بنات .. أنا الحمدالله ربيت شهر 9 و يبت بنت الله يحفظها لي ياااااااا رب و كملت الثلاث شهور الحمدالله .. و يوم أول أيامي كانت نفسيتي زفت فما كنت أكل فما كان في حليب و اطريت لكمن يوم أعطيها حليب صناعي و عقب كم من يوم بديت أكل فبدأ يتكون عندي الحليب بس البنت يوم كنت أحاول أرظعها تصيح صياح البلا و تستوي زرقا من الصياح و موووووووول ما تبا تيود صدري وااايد حاولت وياها بس مب قادره و مرات لين ألحين أحاول بس اتم أتصيح بطريقه فظييعه و تزرق فأخاف فأطر أعطيها الصناعي مع أنه الحمدالله في طبيعي بس هي مب طايعه تيود الحلمه و الله قلبي يعورني عليها مب عارفه شو أسوي كيف أخليها تشرب ما أباها تشرب صناعي بيلز ساعدوني .. يلي عندها خبره تساعدني بليييييييييييز .....
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
بسم الله عليكم ..
الغاليه اقري عليها الحمد 7 مرات
وواية الكرسي 7
والاخلاص والمعوذات 7 مرات
الغاليه بقولج شي يوم تكون راقدة وتنش تبغي ترضع لا تعطينها المرضعها عطيها صدرج ..
والله يحفظكم من كل شر ..
__________________________________________________ __________
>>>> الرد الثاني :
فديتج في البدايه عطيها حليب صدرج بالمرضعه عشان تتعود على طعمه وعقب خليها تبغ لين تشبع آخرتها بترضى بصدرج
لا تخافين هم جيه يدلعون ودام في صدرج خير لها لا تقطعينه عنها هالدلوعه
ربي يحفظها لج وشي ثاني حاولي تيوعينها ومن تبى ترضع عطيها صدرج ما بغت خليها تصيح وآخرتها بترضى لانها يوعانه
اهم شي ما تستسلمين لصياحها ولا ضاعت عليج يا حلوة
__________________________________________________ __________
>>>> الرد الثالث :
قبل أول أيامي كنت أعطيها حليب صدري في المرظعه لأنها موووول ما كانت طايعه و عقب خلاص ما كلن يطله مثل أول فوقفت و ثاني شيء حلماتي مندثرات مب عارفه كيف أخليهن بارزات عبرع .. ساعدوني بليز
__________________________________________________ __________
>>>> الرد الرابع :
ياربي
ماقدر افيدج ياغناتي .. لني بروحي ماعرف شي !!
الله يعيني يوم بربي
__________________________________________________ __________
>>>> الرد الخامس :
يوم بتسبحين تحت الرشاش دلكي صدرج وبيديج مطي الثومه كم من يوم بتطلع ع برع
رد مع اقتباس
