عنوان الموضوع : خلاص تبا تربي.. هلكت حليلها لصحة الجسم
مقدم من طرف منتديات الضمير العربي

السلام عليكم والرحمة


شخباركم بنات

بعرضلكم مشكلة ربيعتي متوهقه

المفروض موعد ولادتها يكون تاريخ 8 يعني طاف

وهيه ما فيها ويع ولا شي

سارت عند عيادة خاصة وفتحتلها الرحم سانتي وايد وعقبها بجم ساعه تعبها هالشي وسارت المستشفى على بالها خلاص بس ما نزل ماي الطلق وعقب اكتشفت ان هالويع من الدكتورة اللي فتحتلها الرحم وطلعت من المستشفى ما كملت


قالولها اشربي حليب دافي او حار مع خروع عسب تييا الالام وتربي لان مثل ما شايفين تاخر موعدها

الحين هالخلطه صج تنفع لتسريع الولادة ولا ممكن تضرها؟؟


ماعرف اذا فهمتوا علي بس هذا اللي فهمته منها وقلت خل اعرضلكم مشكلتها انتوا ادرى مني أنا بعدني ما معرسة ^_^


تتريا ردودكم حليلها على احر من الجمر ما قادره تبا تربي

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
والله كلنا تعبنا يا اختي من الثقل .. بس متى ما الله راد ترا النونو بيظهر...
الله يسهل عليها يارب..

السموحه حبوبة

__________________________________________________ __________

>>>> الرد الثاني :
على مافهمت هذا اسمه تحريض للولاده الدكتوره اكيد قاست الرحم وسوت توسيع وتحريض للولاده وهالشي طبيعي لاتخاف واحتمال ينزل دم او افرازات بعد طبيعي مع الكشف الي تسويه الدكتوره اما الخروع فانصحها ماااااااااااا تسوي شي لين ما ربي يريد ويسهل عليها وخلها تطنشهم لانه توها يومين بس مروا عالموعد اعرف ناس تيلس اسبوعين ذيك الساعه الدكاتره يتحركون يا بطلق صناعي يا غيره

اهم شي تدعي ربها وايد وتمشي والله بيسهل عليها ان شاء الله ولا تستعيل وتروح المستشفيات الا اذا شافت شي ماينسكت عليه مثل دم او ماي الجنين وربي يوفقها ويسهل علينا جميعا يارب

__________________________________________________ __________

>>>> الرد الثالث :
الله ييسر لها و سهل عليها وعلينا جميعا

__________________________________________________ __________

>>>> الرد الرابع :
الله يسهل عليها يا رب ويسهل على كل حامل وعليها بالمشي ..
عن الخروع فما عندي خبره فيه

__________________________________________________ __________

>>>> الرد الخامس :
الله يسهل عليها ......... خليها تمشي... وتقرا قران وتدعي....