عنوان الموضوع : مشكلتي .. وااتمنى الاقي الحل .. لصحتك
مقدم من طرف منتديات الضمير العربي
السلام عليكم ..
اخواتي انا بنت .. قبل سنه تقريبا كانت الدورة منتظمه عندي تيني كل 30 يوم واحيانا تم عندي اسبوع واذا كثرت اسبوعين ... فقبل رمضان اللي طاف كنت متخوفه يروح علي الشهر .. لن كل رمضان افطر 12 يوم .. سمعت الحريم يطرون حبوب اللي توقف الدورة .. وانهم ياخذونها من الطبيبه .. رحت للطبيبه مالت المركز الصحي .. ... وقلت لها الدورة تطول عندي وابي حبوب .. عطتني وقالت اذا ماوقفت الدورة اشربي اربع حبوب حبتين بعد السحور وحبتين بعد الفطور والحمدالله مر الشهر واستغليته في العباده ولاول مرة استمتع بالعشر الاواخر .. حلو لين هنا ..
اول ايام العيد كنت عاديه .. ثاني ايام العيد طحت من التعب ياتني الدورة بشكل مرعب لمده 6 ايام نزفت دم خلاني مااقدر اوقف من الدوخه وفقر الدم مع اني متينه .. بس شكيت ان ارحامي بتطيح علي كنت ابقى ابجي في الحمام ايام .. وماقلت لاحد وضاع العيد علي لاطلعت مكان ولا سويت شي ولاشفت احد كله في الفراش وكل خمس دقايق في الحمام تكرمون والحمدالله الاهل كانوا بالعمره ...
خلصت الايام السته رجعت طبيعيه .. مر الشهر ماجت الدورة .. مر الشهر الثاني ماجت .. مر الشهر الثالث ماجت .. مارحت الطبيبه كنت عارفه ان الحبوب .. خربتها .. جتنا الشهر الرابع .. وتمت علي شهرين كاملين تعبت نفسيتي ووصلت للحضيض .. بعدين وقفت ... مر ثلاثه اسابيع .. جتني لمده ست اسابيع .. لا اقدر اصلي لااقدر ادعي صارت فيني التهابات من الفوط .. رحت الطبيبه قالت لي مااعرف شي احولج لعياده متخصصه افتشلت ورجعت البيت شبيقولون اخواني لان ماعندنا دريول .. وكتمت وسكت ماقلت لاحد .. مرت الشهور اللي راحت ثقيله علي تيني الدورة كل 3 اسابيع لمده اسابيع .. الكل يقولي تغيرتي .. بس انا تعبانه جدا ... والحين الدورة علي من تاريخ17-6 ... قاعده انزف .. ومستحيه .. واليوم وقفت الدوره اخيرا .. .. مااعرف شسوي .. تعبت .. ادري خربت نفسي .. وادري اني لازم اروح الطبيبه بس انا ناطره الدريول اليديد لما يجي اخذ امي واروح معاها لان مستحيل اروح بروحي وهرموناتي في الحضيض .. ودايما معصبه دايما مكتئبه .. بس بسألكم ... ادري اني خربتها بس رمضان على الابواب .. انا خربتها خربتهاهل هي مستاهله اني اضحي في رمضان عشانها ؟؟ .. ادري بويضاتي خلصوا ومافي مجال .. بس .. الدورة خلصت اليوم بتجيني بعد 3اسابيع لمده شهر وشي .. حرام بيضيع علي رمضان كله .. افكر للطبيبه الي مالها داعي في المركز ..وهالمرة امدد الحبوب و لين بعد العيد بس المصيبه عندي جامعه !!! ... ماادري .. تعبت .. ببدأ الجامعه هالسنه وماابي ابدأها بتفسيه زفت .. ساعدوني .. ترى ماقلت لامي لان امي عصبيه .. وخالتي تقول اخاف عليج لانج متينه من تكيس المبايض .. ماادري.. محد يعرف بمشكلتي الا اختي وامي كله تعصب علي ليش مااصلي على بالها ناسيه صلاتي... تعبت ..
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
ياربي ليش جي صار لج
انا اذكر يوم كنت بنت خذت ها الحبوب عشان رحت العمره كل يوم حبه وحده
صح ان اتغير نفسية الوحده بس الدورة نزلت علي عقب ما وقفت من الدوا وكانت منتظمة بقية الشهور
وامي السنة الي طافت خذت الحبوب بس بكمية أكبر وعقب مارجعت تعبت والله اني خفت عليها
نص الليل رحنا المستشفى ودينها وهي تتويع من الم الدورة وما احيد امي يوم اتيها الدورة تتويع
الغالية انتي خذتي كمية كبيرة من الحبوب وها الشيء موب زين لصحتج يعني مثل أمي استوالج
نصيحتي لا تتريين دريول ولا هم يحزنزن اخذيلج تاكسي وخذي اي حد من اهلج وروحي عيادة متخصصه خلهم ايعدلوون لج الدورة ترا لو فات الفوت ما ينفع الصوت
__________________________________________________ __________
>>>> الرد الثاني :
اهم شيء صحتج ضدقيني لا تتريين حد بعدين بتندمين!!!
مب زين!!! وحرام عليج سيري خبري امج وخليها تسير معاج المستشفى حتى لو تكسي!!!!
سيري صحتج اهم من تتريين الدريول!!!\
__________________________________________________ __________
>>>> الرد الثالث :
سيري عند طبيبة مختصة ولاتتهاوني عالجي نفسك
__________________________________________________ __________
>>>> الرد الرابع :
المشاركة الأصلية كتبت بواسطة al3emyah
ياربي ليش جي صار لج
انا اذكر يوم كنت بنت خذت ها الحبوب عشان رحت العمره كل يوم حبه وحده
صح ان اتغير نفسية الوحده بس الدورة نزلت علي عقب ما وقفت من الدوا وكانت منتظمة بقية الشهور
وامي السنة الي طافت خذت الحبوب بس بكمية أكبر وعقب مارجعت تعبت والله اني خفت عليها
نص الليل رحنا المستشفى ودينها وهي تتويع من الم الدورة وما احيد امي يوم اتيها الدورة تتويع
الغالية انتي خذتي كمية كبيرة من الحبوب وها الشيء موب زين لصحتج يعني مثل أمي استوالج
نصيحتي لا تتريين دريول ولا هم يحزنزن اخذيلج تاكسي وخذي اي حد من اهلج وروحي عيادة متخصصه خلهم ايعدلوون لج الدورة ترا لو فات الفوت ما ينفع الصوت
هلا اختي طبعا الكمية ضخمة 4حبات في 30 يوم ,,,شيء مهلك بس الصراحه انا مقهورة من الطبيبه قالت لي ماياثر .. شلون ماياثر وانا احس اني دمي نشف ..الله يخلي لج امج .. ودي اسمع نصيحتج واخذ تكسي بس اخواني موول مايرضون وبعدين منطقتنا بعيده مب في الدوحه عشان اضيع السالفه بيننا وبين الدوحه تقريبا نص ساعه طريق ... مافي تكاسي في مدينتا ,.. شكرا اختي والله يوفقج ..
__________________________________________________ __________
>>>> الرد الخامس :
اهم شيء صحتج ضدقيني لا تتريين حد بعدين بتندمين!!!
مب زين!!! وحرام عليج سيري خبري امج وخليها تسير معاج المستشفى حتى لو تكسي!!!!
سيري صحتج اهم من تتريين الدريول!!!\
والله امي بتذبحني!!.. مااقدر اخبرها لاني ماقلت لها عن الحبوب لو درت بتفضحني ..وبتفشلني جدام اخواني وانا مفيني عالمشاكل لانه امي تخق بالرمسه وتقول كل شي لاخواني .. الله يعين .. بس .. شكرا اختي للمرور والله يوفقج
رد مع اقتباس
