عنوان الموضوع : بنات دخيلكم ادخلوا ضروري.............. تغذية صحية
مقدم من طرف منتديات الضمير العربي
انا الدورة ما يتني من شهر خمسة لليوم يعني من ثلاث وشهور وشي الحين؟؟.... مع اني أحس بآلام مثل آلام الدورة الشهرية وقلت يمكن حامل وسرت العيادة وسويت فحص دم وطلعت مب حامل وبعدين سرت عند دكتورة في العيادة وسوت لي فحص بالتلفزيون طلع عندي كيس في المبيض الايمن بسبب هالكيس ما تنزل عندي الدورة ومسببة لي هالآلام وقالتلي الدكتورة يمكن هالكيس من حبوب منع الحمل اللي كنت آخذها أو انه شي هرموني من الجسم .........
وانا من ساعتها حاطة ايدي على قلبي وخايفة انه يأثر علي او انه يأثر على الحمل.
بنات دخيلكم من مرت بنفس اللي مريت به وشفت منه ، او من تعرف عن التكيس واضراره والا هو شي عادي ييي ويروح.......
واللي تعرف دكتورة شاطرة بأمراض النساء والولادة لا تبخل علي واطرشلي رقم الدكتورة على الخاص .............
والسموووحة
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
ما عندي خلفيه والله
وان شالله البنات يفيدنج
والله يخفف عليج ان شالله ويشفيج يارب
__________________________________________________ __________
>>>> الرد الثاني :
الله يعافي جميع المسلمين ...
__________________________________________________ __________
>>>> الرد الثالث :
حبييييييييييييييييييبتي لا تخافين يخوووووووووووووز بالادويه اختي كان فيها واخت ريلي بعد كان فيها كله بالادويه
اذا قالولج عمليه تراهم يقصون عليج اختي جي قالولها وعقب يوم سارت الهند عطوها ادويه..اما اخت ريلي قالتلي كانت تاخذ حبوب منع الحمل وخاز عنها هالكيس..
عالجي عمرج ترى هالكيس يأخر الحمل وما يخليج تحملين الا اذا خوزتيه
__________________________________________________ __________
>>>> الرد الرابع :
في فرق بين التكيس والكيس المائي ...
وشي نوعين من العلاجات للتكيس المائي ...
1. حبوب منع الحمل اذا كنتي ما تبين تحملين.
2. وهرمونات تساعد على الحمل اذا كنتي تبين تحملين.
سوي سيرج على قوقل وبتحصلين مواضيع وايد مفيدة ...
انا اعاني من اكياس على المبايض ... من 3 شهور طلع لي على المبيض اليسار وراح خلال شهرين ... والحين طلع لي على المبيض اليمين ...
__________________________________________________ __________
>>>> الرد الخامس :
رد مع اقتباس
