عنوان الموضوع : انصحوني @_@ لسلامتك
مقدم من طرف منتديات الضمير العربي

السلام عليكم ورحمة الله وبركاته

اشحالكن عساكن الى بخير

حبيت اطرح مشكلتي واتمنى اني القى الحل عندكم

انا صارلي فتره قصيره من عرست يعني انا الحين في الشهر 3 من اتزوجت

المهم انا رحت امسات اتعالج عند الدكتوره رجاء عشان اجوف شو سبب تاخر الحمل

وبالمره اتعالج اول باول واسوي فحوصات عشان ما اندم بعدين اذا اتاخرت في الحمل..

يوم رحت وعالجتني قالتلي انت فيج كيس في المبيض يعني تكيس وانا اوردي هالتكيس كان

فيني من يوم انا بنت يعني عذراء وعالجت عنه بس طبعا ما كانوا يقدرون يعالجوني وايد

لأن صعب يعالجون وحده عذراء المهم استخدمت ادويه معينه والحمد لله قالتلي الدكتوره

ان خلاص راح ... لكن الحين الدكتوره رجاء قاتلي فيج التكيس وهو كبير .. بس بصراحه

ما عطتني ولا دواء غير غسول وتحميله للمهبل وكريم للحساسيه وبس .. فانا احس ان كل

هالادويه ما يخصها في اللي فيني .. على كل حال هيه قالتلي انها بتسويلي منضار بس ما

اعرف ليش انا خايفه وااااااايد وافكر واااااااايد حتى الليل ما اعرف انامه ؟؟

اللي جربن المنظار بليييييييييييييز قولولي شو هو ؟؟ وكيف يسوونه ؟؟ وفي بنت كان

فيها كيس وحملت ؟؟ ولا لأ ... بليييييييييييييز طمنوني

وبعد في شيء ثاني قالتلي اياه الدكتوره واللي هو ان هرمون الحليب ما عندي ؟؟

يعني يا بنات هل هذا يأخر في الحمل يعني له تاثير في الحمل ؟؟

وفي شيء طبيعي اقدر اسويه عشان ارجع هالهرمون قبل ما استخدم اي دواء ؟؟

وهي ما صرفتلي اي دواء عشان هالهرمون .. قالتلي بنعالج الكيس قبل بعدين الهرمون

والله يا بنات انا ما اعرف في هالسوالف .. والمشكله ان اهليه ما يعرفون ولا حد يعرف

غير ريلي وما اعرف استشير منوا في هالسوالف ..


اسموحولي على الاطاله .. واسمحولي على اسلوبي في الكتابه
واتمنى اني مااكون غثيت حد بموضوع

والله يرزق كل محرومه بالذريه الصالحه آآآآآآآآآآآآآآآآآآآآآآآآآآمين يارب

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الله يرزقج حبيبتي ويشفيج
ماعندي فكره عن الموضوع

__________________________________________________ __________

>>>> الرد الثاني :
هلا حبيبتي ربيعتي كان عنده تكيس عالمبايض وما حملت وعقب ما شالتهم بالمنظار حملت ما شاء الله عليها الشهر اللي بعده على طول ويابت بنوته الله يحفظها

__________________________________________________ __________

>>>> الرد الثالث :
وعليكم السلام ورحمة الله وبركاته

شووفي وحده اعرفها سوت المنظارعند رجاء صحيح بتسويه لج لكن مابتشل التكيسات كامله بتشل اشوي منهن

لان عقب المنظار يوم سارت تفحص شافت بعده التكيس فعصبت البنت الي اعرفها .. لان المنظار تسويلج يمكن

انتي واايد فيج فبتشل جزء وبيتم الجزء الباقي لان جي كل الدكاتره مايقدرون يشلونهن كلهن

بس تبغين نصيحتي الدكتوره رجاء صحيح شاطره وماعليها كلام ..

بس تبغين وحده علاجها اووووووكي وحتى وايد تعالجوا عشان التكيس وراح وحملن بإذن الواحد الاحد ..

انتي يربي سيري لها وشوفي يمكن ماتقول لج منظار ..

---------------

الدكتوره الي انا اسير لها اسمها مريان اخت الدكتوره كاميليا في مركز الامير الطبي وايد شاااااااااااااطره ..

استخيري وتوكلي على ربج .. لا تستعيلين في اموورج ^.^

وكثري من شرب البردقوش خصوصا بعد الدوره على طول اما وقت الدوره وقفيه هذا الي قريته من واحد دكتور اعشاب

وقت الدوره لاتشربينه بعد الدوره وااااااااايد زين للمبايض ( يعالج التكيس .. ويسوي تبويض )

وايد حملن بفضل الله ثم هالعشبه لان الرسول عليه الصلاة والسلام موصنا بها
..

__________________________________________________ __________

>>>> الرد الرابع :

المشاركة الأصلية كتبت بواسطة bosha
الله يرزقج حبيبتي ويشفيج
ماعندي فكره عن الموضوع




مشكوره الغاليه
وتسلمين على المرور

__________________________________________________ __________

>>>> الرد الخامس :

المشاركة الأصلية كتبت بواسطة حب الامارات
هلا حبيبتي ربيعتي كان عنده تكيس عالمبايض وما حملت وعقب ما شالتهم بالمنظار حملت ما شاء الله عليها الشهر اللي بعده على طول ويابت بنوته الله يحفظها



ريحتيني عسى ربي يريحج دنيا و آخره

يسلموا