عنوان الموضوع : ادعولي الله يثبت حملي لحياة صحية
مقدم من طرف منتديات الضمير العربي
اشحالكم اخواتي؟.....
اليوم بخبركم عن تجربتي.... انا معرسه من سنتين وثلاث شهور والله ما كتبلي اني ارزق بالياهل اول زواجنا وبعدين يوم كملت سنه خمس شهور سرت اتعالج عند دكتورة بشيره يلي ف بوظبي والحمد الله تعالجت عندها اول شي خذيت حبوب كلوميد وما حملت,,,,,
وبعدين قلتلها سويلي تلقيح صناعي جان تقولي اوكي يوم سويت تلقيح صناعي حملت(عطتني حبوب كلوميد ) والحمد الله بس ما كملت الاسبوع الا وانا مسقطه(معني ما خذه الابر تثبيت) وريلي ما كان مستانس لانه كله يقولي انا ما كنت اريدج تحملين بالتلقيح.... وبعدين وقفت العلاج لاني سافرت ويوم رديت بتديت العلاج عندها من شهر 9 والحين احنا فالشهر 11 قلتها انا اريد تلقيح صناعي جان تقولي لا انتي صغيره بنخليها هالمره ع الله ان شاء الله تحملين وبالفعل حملت والحمد الله ,,,,,,,
والحين حامل بالاسبوعي الاول.... ادعولي انه الله يثبت حملي ,,,,
ما اريد غير دعواتكم و اريدكم تنصحوني شو يلي يضر ني فالشهور الاولى
أختكم ...
سلامه المهيري
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
بالبركه عليج والله يثبتلج الحمل ويتمم لج على خير..
اختي ارتاحي قد ما تقدرين ولا تشيلين اي شي ثجيل .. واهتمي بالاكل الزين .. وحبوب الفولك اسيد..
ولو تاخذين حبوب او ابر تثبيت احسن لانج مسقطه من قبل
__________________________________________________ __________
>>>> الرد الثاني :
الله يثبته لج
وعليج بالراحه اهم شي
لين ماتعدي 3 شهور على خير..
__________________________________________________ __________
>>>> الرد الثالث :
المشاركة الأصلية كتبت بواسطة A+k
الله يثبته لج
وعليج بالراحه اهم شي
لين ماتعدي 3 شهور على خير..
__________________________________________________ __________
>>>> الرد الرابع :
بالبركه عليج والله يثبتلج الحمل ويتمم لج على خير..
اختي ارتاحي قد ما تقدرين ولا تشيلين اي شي ثجيل .. واهتمي بالاكل الزين .. وحبوب الفولك اسيد..
ولو تاخذين حبوب او ابر تثبيت احسن لانج مسقطه من قبل
__________________________________________________ __________
>>>> الرد الخامس :
الله ايثبت حملج انشالله
اللي أعرفه الأناناس ايسقط الجنين ابتعدي عنه
رد مع اقتباس
