عنوان الموضوع : مراحب ،،، عندي استفسار ؟؟؟
مقدم من طرف منتديات الضمير العربي
كيف حالكم خواتي بغيت استفسر ..
انا الحين توني داخله الشهر الخامس والحمد لله مب اول حمل بس اللي صاير انه في حملي الاولي كنت احس بتشنج في ريلي اليسار وقت النوم وطنشت السالفه اما في هذا الحمل صار التشنج في جسمي كله لدرجة اني ما اقدر ارقد فليل واتم اجلب و ووووايد اتعب ... هل هذا الموضوع ممكن اسبب لي شي انا ولا البيبي الله يخليكم طمنوني ...وفي وحده صارلها نفسي والله وايد احاتي اخاف ممكن ايأثر على قلبي لانه اللي اعرفه انه التشنج مب زين فكيف اذا الوحده حامل ؟؟؟؟؟
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
والله انا ما عندي فكره بهالشي
بس انصحج تسيرين المستشفى وتشوفين وتطمنين على اللي يصيرلج
علشان مب زين هالتشنج يمكن تتضررين انتي والبيبي لا سمح الله
__________________________________________________ __________
>>>> الرد الثاني :
يالله يامجيب دعوه المضطر اذا دعاك يالله يارحمن يارحيم برحمتك استغيث ثبت حمل كل حامل وقر اعينهم بالذريه الصالحه المعافاه كامل الخلق والخلقه بدون زياده ولانقصان
ويالله يارب العالمين ترزق كل محرومه بالحمل السليم عاجل غير آجل
آمين يارب العالمين...
__________________________________________________ __________
>>>> الرد الثالث :
مرحبا اختي
انا صار لي تشنج في ريلي اليمين في الحمل الاول في الشهور الاخيره
يوم سرت على موعدي اذكرت هالشي فقلت حق الدكتوره على طول قالت لي عندي نقص في الكالسيوم
عطتني كالسيوم
والحمل الثاني من الشهر السادس فيني تشنجات لين يومج ونا في التاسع خاصة يوم ارقد ولا المكيف ضارب على ريولي على طول تتشج ريولي وغير هذا يوم ارقد على ظهري خلاص ما روم اجلب لا يمين ولا يسار الا عقب محاولات
واتمنى اي افدتج
__________________________________________________ __________
>>>> الرد الرابع :
وانا بعد الحين في الشهر الثامن ومن الشهر الرابع وانا اعاني من هالتشنجات واذا رقدت على ظهري ما اقدر انجلب لا يمين ولا يسار وكل ما اروح المستشفى واشكي لهم الحال يكتبون لي كالسيوم ومرة كتبوا لي على مرهم بس ما نفعني.......
__________________________________________________ __________
>>>> الرد الخامس :
وأنا نفس الإخت نبض_الحياة بالضبط...في حملي الأولي...و الحين الثاني أخستين...و كتبولي الكالسيوم من بداية...و ماشئ فايدة....نفس الحالة...الله يصبرني هال 11 يوم....و يصبر خواتي كلهم
رد مع اقتباس
