عنوان الموضوع : بنات بوظبي فزعتكم تكفوون... لصحتك
مقدم من طرف منتديات الضمير العربي

مرحبا بنات شخباركم انشاء الله بخير وبصحه..
بغيت اسالكم سؤالين..
الاول-- شو رايكم بالدكتوره واني في مستشفى الكورنش؟؟ وهل تحضر الولاده؟؟
الثاني والاهم-- منو احسن دكتوره تسوي خياطه تجميليه في مستشفى الكورنيش اريد خياطه فنانه؟؟
والف شكر

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
انا صدق كنت اراجع في حملي الاولي في الكورنيش ,, بس ما ربيت هناك,, لان كل اللي اعرفنهم ما نصحوني بالكورنيش ,, خصوصا في سوالف الخياط,, ما يخيطون عدل ,, عادي يشوهون هاذيج المنطقة
والصراحة في حملي هذا فتحت الملف,, وسرت مراجعة وحدة بس ,, بس تحسبا لأي طارئ,, لان مستشفى الكورنيش عندهم قسم الخدج,, ف سبحان الله اذا كنت بربي قبل موعدي لاحول ولا قوة كنت بسير عندهم...الصراحة اراجع في النور

ومن اللي سمعته,, ما انصحج في الكورنيش,,خصوصا اني بعيوني كنت اشوف حريم في قسم الطوارئ يتويعون خلاص بيربون,, وماحد يسوي لهم سالفة,, عيل كيف استوا قسم الطوارئ؟؟!!

والله يسهل عليج وعلينا

__________________________________________________ __________

>>>> الرد الثاني :
صراحه دكتوره واني هذي احسن دكتوره في مستشفى الكورنيش يعني حتى لو وحده بعيد الشر البيبي ملتف الحبل عليه هيه تعرف تولدج ويكون البيبي بخير وانا اراجع عندها لان دكتورتي اللي قبل كنت اراجع عندها مواطنه قالتلي احسن وحده واني وروحي عندها لانها استشاريه واللي ماحبه فيها لانها استشاريه واحسن وحده تلقينها دوووم زحمه وكل شوي تدخل دكتوره تستشيرها فشيء عشان خبرتها وعادي ايييها اتصال وتطلع من العياده اذا في شيء طارئ ويلسي عاد اتريييها بس انا لاني اراجع في عيادة vip تاخذ وقت اكثر ويانا بدون ماحد يزعجها ...... بس نصيحه راجعي في عياده ثانيه لين توصلين اخر الثامن عقب روحي فتحي ملف في الكرنيش لانج تهلكين من كثر ماتتريين دورج حتى لو كنتي في عيادة كبار الشخصيات ........ سوري طولت عليج بس حبيت افيدج ..

__________________________________________________ __________

>>>> الرد الثالث :
هي دكتورة زينه وايد وتحضر الولادة لكن لازم تطلبين منها وتنبهين عليهم يكتبون عملفج ان تحضر ولادج ويوم بتي حزة ولادتج بيطلبونها طبعا اذا ماكانت مسافرة ... ولا تنسين عطيها الهدايا اذا دخلتي عليها في مواعيدج وجهزيلها الهدية بعد ماتربين .. وعفكرة هي خياطتها وااااااااااااااااااااااايد زينه .. وماعرف اي حد في الكورنيش يعرف يخيط ؟؟ والكورنيش احسن من المستشفيات الخاصة لان لو تعسرت ولادتج في اي مستشفى خاص بينقلونج في الاسعاف الكورنيش ولا بيتحملون مسؤوووليتج ولا تنسين انهم يولدون يوميا...

__________________________________________________ __________

>>>> الرد الرابع :
والكورنيش احسن من المستشفيات الخاصة لان لو تعسرت ولادتج في اي مستشفى خاص بينقلونج في الاسعاف الكورنيش ولا بيتحملون مسؤوووليتج ولا تنسين انهم يولدون يوميا...


وانا وياج اختي كفاايه الي صار بحرمت اخوي تخيلوا تتعالج فترة الحمل\

بالنور وصلت الثامن وكانت تتويع اشوي والاستشاريه الي بالنور \\

بكل بروود قالت لها لو بتولدين ولاده مبكره لاتين عندي ..

والله الخاص مامنهم امااان يتخلون عنج باي لحظه .. مافي احسن عن الكورنيش

حتى حق الياهل لو سبحان لله صار له شي يعرفون لان تمر عليهم حالات

واايد وماعليج من القيل والققاااال ..

لانج لو تميتي تسمعين بتخاافين .. وانتي توكلي على ربج بالاستخااره

وتوكلي على ربج وادعي دووم ..

__________________________________________________ __________

>>>> الرد الخامس :
الف شكر خواتي اللي ردو علي واللي مرو مرور..
بس بنات معقوله مافي حد شرات السودانيات يخيط خياطه فنانه ويرجعج بنت غير العيادات الخاصه ناديه وربعها انا اريد حد مره وحده اللي تولدني هي تخيطني ..