عنوان الموضوع : مستشفى الكورنيش لصحتك
مقدم من طرف منتديات الضمير العربي
مرحبا أخواتي
بصراحة أنا صارلي سايرة الكورنيش مرتين و هن أول مرة في حياتي أراجع فالمستشفى
بصراحة كل مرة تميت 4 ساعات
أنتن العادة تتأخرن ؟ ...................
و بغيت اسأل حزة الولادة كيف يكون إذا في زحمة؟ شو يسوون الممرضات ؟
منو يسوي خياطة الجراحة دكتورة و لا ممرضة ؟
و كيف أراجع في عيادة VIP
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
والله يا الغالية ما أقدر أفيدج
لأني بس مرة في حياتي راجعت عندهم
والسبب إني أبا تقرير
وطلعولي عيوني لين كتبوه
ويا كثر العضوات و ربيعاتي إللي ما يمدحنه
قلت أول ما أرد البلاد بفتح ملف متابعة حمل في المفرق أو الرحبة
وسمحيلي إذا ما قدرت أفيدج
__________________________________________________ __________
>>>> الرد الثاني :
مره وحده سرت فتحت ملف وبعدين كنسلت مابربي عندهم ..
والـ VIP .. الحين بس للي عندهم دبلومآسـي واللي ريلهااا عنده منصب
__________________________________________________ __________
>>>> الرد الثالث :
حبيبتي هذا الوضع في الكورنيش..تتريين من 3 ساعات وطالع..ثاني شي مافي عياده في اي بي لازم تكونين حرمة سفير والا وزير والا لواء والا عقيد غير جيه مافي وراجعي في العياده الخارجيه..ولا تتوقعين وووووايد اهتمام وقت الولاده الكورنيش اول غير والحين بعد ما مسكتهم الاداره اليديده غير..
الولاده والخياطه تسويهن القابله مش دكتوره الا اذا لا سمح الله احتاجت حالتج..
انا سرت فتحت ملف بس يوم شفت الوضع جيه ما سرت حتى اول موعد... طريت البطاقه وسرت اراجع فالنور...
__________________________________________________ __________
>>>> الرد الرابع :
التأخير عـــــــــادي انا البارحه يالسه من 11 وما طلعت الا 4 ومن كثر ما انا خلاص محرجه لا خذت دواء والتحاليل ولا شي لاني دخلت ع الدكتوره وهي لايعه جبدها من كثر الزحمه والله المستعان وعن عياده VIP مثل ما قالن الأخوات لازم ريلج يكون عنده منصب
__________________________________________________ __________
>>>> الرد الخامس :
صدق والله الكورنيش غير بس قبل سنة ونص ربيت عندهم كل شي كان غير من مراجعات وزحمة وكنت اراجع في الفي اي بي الحين لا وممنوع بس اصحاب المناصب
الله كريم دخلولنا كل الجنسيات الظاهر يبون يشجعون الكل على التكاثر ونحن عيال البلد ما ادري وين نطق براسنا
افكر بمكان اربي فيه بس بعدني متردده لاني قررت على النور بس فجاة كان عندي موعد واتصلوا يقولولي الدكتورة محد
طيب حزة الولادة شو يضمني انها تكون موجودة
يعني يبقى الحكومي اظمن
رد مع اقتباس
