عنوان الموضوع : ساعدوني
مقدم من طرف منتديات الضمير العربي

خوااااتي اشحااااااالكم

حبيت تنصحوني وتساعدوني ، انا حامل ويوم سرت عند الدكتوره قالتلي انا البيبي مافي نبض وانا في الشهر الثالث تقريبا قالتلي ما بنسويلج اي شي اللحين بنتريا علييج شهر يمكن روحه ينزل او يستويلج نزيف ، بشو تنصحوني اسوي وشو اشرب او اكل عسب انزل البيبي

اللي عنده اي نصيحه او اي حل لو سمحتوا عالخاص

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
اشربي سوائل حارة .. قرفة وزنجبيل وحبة حمرة .. واناناس .. وان شاء الله بينزل روحه

__________________________________________________ __________

>>>> الرد الثاني :
اشربي حسوو .. والمره الثانيه ان شاء الله لو حملتي خلها تكتب لج البي بي سبرين او الجو سبرين

عشان بأمر الله مايوقف قلب الجنين ..

__________________________________________________ __________

>>>> الرد الثالث :
انا صار لي نفس الشي انتظرت شهر وهم
كل اسبوع يسون لي صورة وما يحصلون
نبض في الاخير دخلوني المستشفى لاني
احتشرت عليهم عشان ينزلونه عطوني حبوب
طلق وما نزل كامل وباليوم الثاني سويت عملية
تنظيف

__________________________________________________ __________

>>>> الرد الرابع :
خواتي مشكورين على الرد

بس حبيت اعرف مايسبب لي اي التهابات او تلوثات في الدم والله خايفه

__________________________________________________ __________

>>>> الرد الخامس :
الله يعوض عليج

أختي ليش ما تسوين عملية تنظيف؟؟

كنت نفس حالتج وسوولي عملية تنظيف