عنوان الموضوع : مفتوح أثنين سانتي
مقدم من طرف منتديات الضمير العربي

هلا بخواتي الغاليات
أنشالله تكونون بخير
المهم
البارحه قالي ريلي بنطلع نمشي سويتلي بابونج كوب عود وشربته في الطريق
ومشينه ساعه
ورجعنا البيت الساعه 10ونص سبحت وسويتلي بابونج
ريلي شغل فلم هندي وتم يتابع وأنا أتجلب أبغي أرقد موووووول مب رايمه ويع يروح ويرجع كل عشر دقايق
وبطني تتيبس
خبرته وكانت الساعه 2نص قالي بوديج المستشفى وأنا خيفانه سبحت وطلعت من الحمام أشوف ريلي جاعد يركب السرير مال البيبي ومصحي شوق وعزوز وقايللهم ماما بتربي ويلا نركب السرير أنصدمت مستعيل لبست ووعيت الخدامه ورحنا المستشفى طلعوني فوق وخلوني أفصخ ثيابي وأول مادخلت غرفة الولاده زغت من شكلها ولا الحريم الي حذالي فجاه كلهم أشتغلو مره وحده
اه اه اه اها اهههه اه واي وااييي وأنا دورو علي ماتحصلوني
يت الدكتوره وشيكت وقالتلي مفتوح أثنين سانتي بس مش ولاده أنتي شكلك بتربي خلال هاليومين وخبرتها عن الطلق قالتلي لاتسوين حتى لو البيبي أربعه كيلو أنتي خلاص الراس نازل الحوض والرحم متهيئ للولاده ومش حتتعبي لانه الحين مفتوح 2سنتي بدون طلق فكيف لو طلق وقالت لي مش محتاجه تمشي خلاص أنتي على وشك ولاده
الحمدلله فرحت ونشيت لبست ثيابي وأسمع صوت نونو يصيح وتميت أصييح أنا بعد من الفرحه
بس الي صارلي تشنج من المشي ورجعت البيت


وسلامتكم

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
تربين بالسلامه ان شاء الله والله يسهل عليج وعلينا

__________________________________________________ __________

>>>> الرد الثاني :
الله يقومج بالسلامه انتي والنونو

وتفرحون انتي وريلج وعيالج ان شاء الله

__________________________________________________ __________

>>>> الرد الثالث :
الله يقومج بالسلامه انتي والنونو

وتفرحون انتي وريلج وعيالج ان شاء الله

زين انه المستشفى ماقالولج لازم إتمين عندنا

فيه مستشفيات مايتريون عالوحده

مايشوفون فاتح 1 قالوا ولاده وتمي عندنا

وجيه يلعوزونها اذامافتح عقب

__________________________________________________ __________

>>>> الرد الرابع :

الله حلو ..
أحداث حلوه يا ام عزوز ..

عشت وياج الجو ..
وشربت وياج البابونج بعد ..

فديت شواقه و عزوز متحمسين و طايحين مناقز على الشبريه ..
الله يفرحهم بأخوهم أو اختهم ..

يالله يا رب نسمع خبر ولادتج اليوم ..
و نفرح فيج، و ( نلحقج ) عاجلاً غير آجل يا رب العالمين ..

الله يسهل علينا اجمعين ..

__________________________________________________ __________

>>>> الرد الخامس :
الله يسهل علييج ياارب وعقبالناا ان شااءالله ..