عنوان الموضوع : متى اجهز أغراضي وأغرض البيبي لسلامتك
مقدم من طرف منتديات الضمير العربي

السلام عليكم ورحمة الله وبركاته

عندي لكم سؤال متى أبدى أشتري أغراض البيبي

ومتى اجهز أغراضي وأغراض البيبي لأنه كل ماأقول بروح أقولون بعده توه الناس وأنا أبغي اخلص وأرتاح أونه أتري لين السابع أو الثامن

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
انا اقول السابع تكونين ,,, مخلصه ..
يعني الخامس والسادس ...

__________________________________________________ __________

>>>> الرد الثاني :
شكرا ع مرورج الغالية مب طايعين يودوووووووووووني عشان اتشرى

__________________________________________________ __________

>>>> الرد الثالث :
مرحبا ام غلا انا في حملي الاول اتشريت في السابع كل احتياجات البيبي واحتياجاتي بس كريمات وشامبو البيبي وهالسوالف خليتها بداية التاسع اترييي شوي

__________________________________________________ __________

>>>> الرد الرابع :
انا من الخامس بديت وفي الثامن من اوله مشطبه ومجهزه الشنطه
ما تعرفين شو ظروفج لين ذيج الساعه

__________________________________________________ __________

>>>> الرد الخامس :
لا فديتج المفروض انج بديتي

لاتنطلقين في كل شي مرة وحده

بس وزعي ميزانيتج على كل مرة تطلعين عشان عقب ماتحسين انج منضغطه

انا بديت من الشهر اللي طاف وكملت شوط كبير فالمشتريات

واحينه صدقيني اطلع امشي خطوتين واتعب

يعني لو خليته لين السابع والثامن بهلك من الخاطر

ابدي من احينه ووزعي كل شي سوي لج جدول واكتبي كل شي وكم العدد واللي تاخذينه حطي يمه صح

وربي يسهل عالكل ان شاء الله