عنوان الموضوع : سؤال عن المشيمه تغذية صحية
مقدم من طرف منتديات الضمير العربي



هلا خواتي شحالكم.... عساكم بخير وسهاله

أولا: قولوا لي مبروك لاني حامل بالشهر الثالث وهذا أول حمل لي والله يتمه على خير يارب
والله يسهل علي وعلى كل اخت حامل

ثانيا: عندي سؤال
البارحه كانت عندي مراجعه عند الدكتوره نورملا براس الخيمه طبعا بنات راك يعرفونها
المهم يوم سوت لي سونار قالت لي المشيمه نازله وانا خايفه من هالشي عطتني حبوب مثبته
ياليت خواتي لو تفيدوني وشو الاحتياطات اللي لازم اتخذها وشو فايدة هالحبوب المثبته؟


وجزاكم الله الف خير

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
هلا الغلا عادي لا تخافين المشيمة بترتفع خلال الشهر الياي

لازم ترتاحين وما تمشين وايد ولا تجهدين نفسج

بس ليش عطج الحبوب كان لازم تسألينها

بس عادي لا تخافين

والله يسهل عليج حملج ويرزقج الذرية الصالحه

__________________________________________________ __________

>>>> الرد الثاني :
هلا حبووبه .مبرووووووووووك اختي والله يسهل عليج وعليناا ياربي

. بس اللي عليج ترفعين ريوولج وانتي منسدحه لاه

ولا تمشين واااااااااااااااااااااايد..

والله يثيته ويخليه لج ولابوه

__________________________________________________ __________

>>>> الرد الثالث :
حبيبتي ساعات الدكاترة يبالغون انا من حملت يقولولي المشيمة نازلة
والحمدالله ماستوا فيني شي

واصلا انتي في بداية حملج طبيعي تكون المشيمة نازلة فطبيعي لما تتجدمين في الحمل تطلع المشيمة لفوق

اهم شي انتي ارتاحي ولاتشيلين شي ثجيل وتمي منسدحة وارفعي ريلج لفوق
وماعليج الا العافية انشالله

__________________________________________________ __________

>>>> الرد الرابع :
الف مبروك

رااااااااااااااااحه تااااااااااااااااااااااامه و ارفعي ريولج و لا تجهدين عمرج مول

__________________________________________________ __________

>>>> الرد الخامس :
مايباله شي ريحيييييييييييييييييييييييييييييي ورفعي ريولج فوق