عنوان الموضوع : قصة ولادتي ب( عبادي نور فوادي )
مقدم من طرف منتديات الضمير العربي

السلام عليكم ورحمه الله

ومن بعد غيبه طويله حصلت فرصه هالمره اكتب لكم قصه ولادتي
نبدا اول ما دخلت الشهر التاسع كثفت جهودي وكنت اسير يوميا امشي ويا ريلي فالمولات وعلى الكرنيش هذا كله علشان اساعد عبادي انه يطلع فديته وفديت اسمه
ومرت الايام ودخلت الاسبوع ال38 وبعدني مايتني اي اعراض او بوادر ولاده احترت والدكتوره من دخلت التاسع فحصتني قالتلي فاتح سانتي ونص وقالتلي اتوقع ولادتج خلال 3 او 4 ايام وفعلا بحمد الله بدت الاعراض تطلع بعد يومين من زيارتي للدكتوره تميت يوميا اشرب زعتر ومره نشيت من النوم وشفت مثل زلال مخلوط بدم بكميه بسيطه يوم خبرت امي قالتلي هذي علامة قرب الولاده

وحمدت ربي وتميت اشرب في هالزعتر لين طلعت لي شيره زعتر في راسي هههههههه وريلي يساعدني ويشرب وياي يشجعني اونه

وفاليوم الي نزل عندي هالزلال تم اييني ويع بسيط ويخوز ويع ويخوز واشوف امي تولم شنطتها وتجهز الاغراض اقولها شو امي يعني بربي انا؟

تقولي هي امي ما باقي شي ان شاء الله وانا الويع يسير ويرد وريلي متخزبق ومستانس في نفس الوقت ومتخادي ويركبني السياره وتركب امي ويانا ويوم وصلنا نص الدرب قلتلهم ماشي ويع؟؟

قالت امي هي عادي مرات يستوي جذه تخوز الويعه عيل اصبري لين العصر وبنشوف
ورديت البيت وانحبط ريلي هههههه ورقدت شوي العصر ويوم بطلت عيوني تميت اون اون من الويع قالي ريلي الاحظ ان الويع هالمره اقوى عن قبل قلتله هي ماروم ماروم حتى اتنصخ

واتم اون ثلاث دقايق وتسير الويعه عقب قامت اتيني كل خمس دقايق
اتصلت باميه قالتلها اميه انا يوعانه <<< متفيجه الاخت هههههه
جان تطلب لي من المطعم وياب المطعم الاكل وانا فيني ويعه وامي حاسه اني خلاص جربت

قالتلي اسميج متفيجه قومي قومي شلي شلولج حد ياكل وهو فيه ويعه نشي خلينا نسير الدختر خلاص بتربين انتي مب زين اتمين وانا اقولها لا امي يوعانه وااااخ وااااخ وارد اكل

ريلي مسكين زايغ هههههههه قالي نشي بسج بسج ويوم ركبنا السياره قامت الويعه تزيد واصرخ منها وقولوا وصلنا المستشفى الحمدلله الطواريء ونزلوني بكرسي متحرك

ودخلوني حجرة صغيره قالوا بنسوي لج فحص بنشوف اذا هذي الالم ولاده والا بعدج

وتموا الله يخس ابليسهم الا يخشون ايديهم والي تحط لي هالجهاز وانا اصرخ اصرخ اقولهم خلاااااص تعباااااانه انا مارووووووووم وين الدكتووووووره قالولي والله سارت بوظبي بس قلنالها حالة ولاده وهكيه راده فالدرب

وماطعوا يحجزولي غرفه لين دفعنا وعقب نقلوني الغرفه الي بسكن فيها .. وهناك عاده مارمت اتحمل واصرخ من قمه راسي وااااااااااااااااااااااااااا وااااااااااا يعورنيييييييييي طلعوووووووه تعبت خلااااااااااص هاتولي ابره مخدر اي شي هاتولي دواااااااااااا والسستره تقولي ان شاء الله الحين يجي دكتوره صبري شوي صبري شوي اقولها مابغي اصبر اميييييييييي ماروووووووم وريلي مبقق عينه ويقولي هدي هدي شوي وانا اقوله خوز منااااااك وامي تيودني اقولها خوزي مابغي حد ايودني واي حد يهبشني انازعه هههههههههههه

وافتضحت فالقسم انا ههههههههه وعقب عطوني تحميله عشان يسهلولي بطني خسهم الله هنه عاده امي زاغت ونازعتهم قالتلهم شقايل البنيه فيها ويعه ربى وتعطونها تحميله لو تنبدغ فالحمام والا يطيح الياهل وهم لا حياة لمن تنادي

ويسير ريلي ينازعهم وينقلوني على طووول غرفه الولاده وهناك عاده تمو يحوصون وانا اتويع اتويع اقولهم عطوني ابره قمت ارطن تميت ميوده ايد السستره اقولها بلللللللللللييييييييييز غف مي انجكشن عطيني مخدر عطيني ابره اي شي نشت هذيج عطتني ابره قالتلي هذي زينه بتهدين مسكينه عطتني من كثر ما اصرخ واتوسل ههههههه

وقولوا تخدرت لكن ماتخدرت الويع موجود موجود لكن ماروم اصرخ مخدره وعقب يت الدكتوره قلتلها دكتووووووووره الله يخليج ابغي قيصريه ... طريلي بطني مارووووووم خلاااااص قالتلي لا ياحبيبتشي طبيعي ان شاء الله

وسبحان الله عقب تميت ادفع وادفع وانا خلاص ميته يوم طلع الياهل طلع مايصيح ثره طلع متخدر فديته

وفالنهايه وصل سيد الشباب الله يحرسه ويحفظه لي ياربي

قولوا امييين ويرزق المحرومات يا ارحم الرحمين

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الحمدلله على سلامتج ومبرووووووووووك مااياج

__________________________________________________ __________

>>>> الرد الثاني :
الحمد لله على سلاااامتج وسلامة عبااااااااااااااااادي .. فديته وفديت امه الحلوة

عاد انا عكسج .. عقب ماضربوني ابره المخدر .. تخدرت .. حتى حزة الولادة وفي نص عمليه الدفع والبوش رقدت لي اشوي ويلسوا يوعوني خخخخخ

__________________________________________________ __________

>>>> الرد الثالث :
مبرووووووووووك عليييييج عبادي ربي يحفظه

__________________________________________________ __________

>>>> الرد الرابع :
الحمدلله ضحكتييييييييييني يو تبين تاكلين وانتي عندج ويع هههه

مبروك وربي يحفظه لج الحمدلله ع سلامتج

__________________________________________________ __________

>>>> الرد الخامس :
الحمدلله ع سلامتج فديتج

والله يحفظه لج ان شاء الله

ومبرووك ماياج ويتربى في عزج باذن الله

والله يسهل على كل حامل وتربي بالسلامه ان شاء الله

ويرزق كل محروومه...اللهم آمين^^