عنوان الموضوع : في وحــده عـانت نفس معـــانــاتي..؟؟!! لسلامتك
مقدم من طرف منتديات الضمير العربي


السلام عليكم

كيفكوووون صبايا..يارب تكونون بخير

سمعو سالفتي وعطوني حل اذا تقدروني والي ماتقدر دعوة منها في ظهر الغيب تكفيني

انا حامل في الشهر السابع وهذا اول حمل لي من اول مادخلت السابع ياني الم فظيييع في الكلى وكنت احس بتقلصات شديده في الرحم رحت المستشفى العله مال الفجيرة قالت الدكتورة انه عندي املاح في الكلى وكانت تباني اترقد عندهم عسب يعطوني بندول وقالت لي يا الكلى يا الجنين وكانت تبا تولدني قيصري وهي ماتعرف اذا فيني آلام ولادة والا لا..

سويت لها طاااف لانه اسلوبها خايس استغفر الله وتتكلم وهي ماتعرف عن شو تتكلم كلامها ملخبط ومب مقنع وكانت ماتحترمني لا انا ولا امي و24 ساعه ترضع من هالتلفون ومب مراعيه حالتي اني من دشيت عليهم الطواري وانا ارجع وكان عندي جفاااف فظيع ولا سوو لي شي عبالها ادلع والا يايه اجابل ويهها استغفرالله

رحت عند الدكتورة اميرة في العياده الخاصه ماقصرت يزاها الله خير عطتني ابره مسكنه لاني ماكنت اقدر اتحرك من الويع

وعطتني ابرة تخفف من التقلصات وقالت لي انه فيني ويع ولادة وقالت انه عنق الرحم مفتوح ولازم اخذ ابرة الرئة وانا مب فاهمه شو السالفه

وتوقعت ولادتي فاي وقت من هاليوم وكتبت لي تحويل لطواري مستشفى دبي الي طبعا لما رحت لهم نص الليل وانا متويعه مادخلوني ولاشي بحجة اني مب فاتحه ملف حوامل عندهم وخافوا اني اربي ومايعرفون وين يحطون البيبي وعلى قولتهم ماعندهم سرير حقي معني راويتهم التقرير وانه حالتي طارئة ..وسرت مستشفى البراحه نفس الشي سوو لي طاف وقالولي نفس الرمسه
سرت مستشفى الوصل وانا فاقده الامل وشفت جدامي 66 وحده حامل الي تتويع والي تتريا دورها من 3 ساعات فطلعت لاني خفت اربي ويشوتوني انا ونونوتي برع خخخخخ

آخر شي عالفير رحت مستشفى الزهرا قالولي عندي ماي على الكلى وجفاف شديد والتهاب شديد في البول الله يكرمكم وهذا كله الي مسوي لي هالتقلصات ماقصرو يحليلهم فيني من حيث المعامله وعلى طول تذكرت المثل الي يقول هين قرشك ولاتهين نفسك وعطوني مسكنات وتميت اعاني اسبوع تقريبا من الم الكلى لين الحمدلله راح عني بس يرجع على فترات متقطعه..والحمدلله انه الله ستر ورحمني وماربيت في هاليوم المشؤوم

سرت اوني بفتح ملف في مستشفى دبي عطوني موعد على آخر شهر 2 يعني بكون في آخر الثامن ومادري شو الفايده..كرهت المستشفيات الحكوميه كره الموووت استغفرالله

المهم انا امس نزلت هالموضوع وعقب رحت عند الدكتورة عسب اطمن
https://forum.uaewomen.net/showthread.php?t=640918

لاطمنتني ولاهم يحزنون قالت لي نفس الرمسه الاوليه احتمال ولاده مبكرة وعطتني ابرة الرئة وقالتلي احتمال كبير انه التهاب البول الله يكرمكم هو السبب انه يخليني اولد ولاده مبكرة وشيكت على عنق الرحم وقالت لي انه هذا كل ماله يضعف وينفتح واحتمال اربي فاي لحظه وقالتلي انتي مش عارفه حجم المشكله الي انتي فيها وعطتني تحاميل مثبته وقالت انه فيني تقلصات ولاده لانه بطني وااايد يعورني من جم يوووم وزاد علي امس واستغربت من معامله المستشفيات الي عندنا وكيف مااستقبلوني

وانا الصرااحه وااااايد خايفه ونزلت هالموضوع عسب اعرف اذا فيه وحده مرت فالي انا مريت به وربت في التاااسع (يعني قالولها احتمال ولاده مبكره لانه عنق الرحم كل ماله يضعف)

انا باجيلي جم اسبوع وبدش الثامن ان شاءالله بس الدكتورة تقول انه وضعي مايطمن وانا متكله على رب العالمين وعارفه انه مابيصير غير الي الله كاتبنه ويارب يكون خير لي وللي فبطني

ادري طولت عليكم بس ابا حد يطمني وبكون ممتنه لكم وبدعي لكم
يارب تثبت حمل كل حامل وتمم حملها على خير وترزق جميع المحرومات بالذرية الصالحه

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الله يكون فعونج
ماعرف كيف افيدج بس حبيت ادخل وارفع الموضوع وادعيلج

انشالله يارب تخفين وتربين فالتاسع
وتشوفين النونو بخير وعافية

__________________________________________________ __________

>>>> الرد الثاني :
الله المستعان

ترا المستشفيات الحكوميه اذا مب فاتحه ملف عندهم من قبل جي يلسون يسون ها الحركااات

سيري راجعي ف الزهرا ابركلج ومابيصير الا اللي الله كاتبنه انشالله

اهم شي انج خذتي ابرة الرئه عسب اذا لاسمح الله ربيتي احين يقدر الياهل يتنفس

__________________________________________________ __________

>>>> الرد الثالث :
عورتي قلبي ماعندي فكره الصراحه .. عسى البنات الي في دبي والشارجه والفجيره يفيدونج .. الله يثبت حملج ويعافيج انتي والنونو مالج .. وكلي امرج لله وعسى يدخلن البنات ويفيدونج

__________________________________________________ __________

>>>> الرد الرابع :
اختي عندي اقتراح لج فتحي ملف لج في كل المستشفيات الحكومية.. وبجذيه تضمنيين تربين عند أي واحد منهم ويستقبلونج انتي والبيبي ولا يجوتونج برا..

والله يثبت حملج وتكملين لين التاسع وتربين وانتي والبيبي بخير

__________________________________________________ __________

>>>> الرد الخامس :
ربي يثبت حملج يا رب ويسهل لج امورج ان شاء الله