عنوان الموضوع : لتحديد جنس الجنين.. ؟ وين تروحين ؟وشو تسوين؟ لسلامتك
مقدم من طرف منتديات الضمير العربي

السلام عليكم شحالكن.. بناااات .. عساااااااااكن بخير..


عندي سؤاااال.. واتمنى من اللي تعرف تجاوبني.. وتكون متاكده من جوابها.. ويزاها الله الف خير..


واما .. باقي الردود اللي مالها داعي.. واللي تسد النفس.. خلي تحتفظ بها لنفسها.. ماباها..


ولا يشرفني اصلا مرورهاا.. انا اعرف ان كل شي باراده رب العالمين.. ومتيقنه من هالشي..


وان اذا الله اراد راح يصير..والاشياء اللي انا بستفسر عنها .. ماهي الا مسببات .. الله يسببها..


وماهي الا تتطور للعلم الحديث..


وبالنهايه مثل ماقلت كل شي باراده رب العالمين.. بس احنا علينا انا نااخذ بالاسباب..



يمكن بتستغربون من هالمقدمه .. الهجوميه و مثل مااحب اسميها الدفاعيه.. لكن والله من اللي اقراه

من الردود.. في بعض المواضيع لبعض الاخوات .. وانا عاد مافيني.. لثقاله الدم وقله الذوق..


ماعرف.. كيف.. احس بعض الاقلام اللي تكتب.. صدق صدق.. مالها خص في الاسلوب..


على عكس بعض الاقلام.. والله ردودها ترد الروح.. وتعطي الواحد امل .. يزاها ربي الف خير


وينولهم اللي في بالهم.. >>>>>>>>>>> شكلي طولت عليكم..


حبيت استفسر .. عن دكتوره.. سمعت عنها في مستشفى النور.. هي عراقيه.. بس مااعرف

اي فرع اللي في شارع المطار او اللي في شارع خليفه.>>>>> ترى انا من بوظبي

يقولون هالدكتوره.. تعطي يمكن نظام غذائي .. او ماادري شو بالضبط لتحديد جنس الجنين..

وان هالدكتوره تقول.. ان مااعمرها وحده ياتها .. وتبي ولد.. واتبعت طريقتها (طريقه الدكتوره)

الا ويابت ولد.. طبعا بعد اراده رب العالمين.. انا ابا اعرف اي دكتوره هاااي.. بالضبط وفي اي فرع


في مستشفى النوووووووور.. وشو اسمها .. لاني اتصلت.. وسالت قالولي .. مستشفى النور


فرع شارع المطار.. فيها دكتوره وحده عراقيه .. واسمها الدكتوره فوزيه..


ومستشفى النور شارع خليفه .. فيهم دكتورتين عراقيات.. دكتوره فرقد.. ودكتوره نضال..

واللي تعرف اي عياده ثانيه.. وفيها دكتوره معروفه.. تخبرني.. ويعطيها الله الف الف عاافيه..


ويحقق مرادها. انا عندي بنتين.. واشوفهم بالدنيا .. ماشااءلله عليهم .. الله يحفظهم..

وانا وريلي .. خاطرنا بولد.. وتوني قاريه لموضوع .. الاخت.. شمس المررر.. يوم تقول..

انها عرفت ان عندها ولد.. والله يتني الصيحه يوم قريت موضوعها.. الله يرزق كل محرووم

واسفه اذا طولت عليكم.. بس قلت والله محد بيفيدني .. الا بنات هالمنتدى.. ولكم خاص شكري..

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
للرفع

ربي يرزقج الولد اللي تتمنينه

__________________________________________________ __________

>>>> الرد الثاني :
امين يارب العالمين. . ويعطيج ع قد نيتج.. تسلمين اختي..

__________________________________________________ __________

>>>> الرد الثالث :
ربي يرزقج بالولد الصالح ان شاء الله

__________________________________________________ __________

>>>> الرد الرابع :
الله يرزقج الذريه الصالحه ان شاء الله ..
للرفع

__________________________________________________ __________

>>>> الرد الخامس :
الدكتورة في النور بشارع المطااار

لكن بأكد لج موبشي هي حتى التشخيص ما تعرفه

دعااااااية بس