عنوان الموضوع : قصة ولادتي في مستشفى الكورنيش لصحة الجسم
مقدم من طرف منتديات الضمير العربي

السلام عليكم ورحمة الله وبركاته

الحمدلله بفضل الله ربيت قبل تقريبا أسبوع ويبت بنوته - الله يباركلنا فيها يا رب و يجعلها من الصالحات -

الله يسلمكم، يوم ولادتي تسحرت على الساعة 2:30 مع اني دائما أتسحر الساعة 4 .. المهم مول ما كنت حاسة بشيء... على الساعة يمكن 6:30 نشيت وكان بطني يعورني وايد،،، سرت الحمام وكل شيء كان اوكي/ عقب كمن دقيقة نشيت عشان أسير الحمام مرة ثانية // يوم وقفت ما حس الا بماي ينزل مني بدون سابق انذار.. سرت الحمام الله يعزكم و يوم تأكدت انه الماي وعيت ريلي،، وهني تميت انتقض من الخوف لأني شفت السالفة جد..... سرت المستشفى و الماي كل شوي ينزل,... بعد تقريبا ساعة قام اييني ويع في الظهر نفس الدورة..
يوم فحصوني قالت بس 2 سم،، وودوني غرفة ما قبل الولادة.. شوي والا يزيد الويع.. وخلاص ماقدرت أتحمل،، خذت قرمة من الرطب ،، وشوي ولا أرجع ...
وتم يزيد الالم من يخف اللألم ايي ألم ثاني... على الساعة 12 فحصتني و قالت فاتح عندج 5سم فنقلوني ألى غرفة الولادة.... طبعا هناك بعد رجعت،، وتم يزيد الألم،، وكل شوي يحطون الاوكسجين على ويهي و أنا ادزهم لأني مب قادرة أتنفس،، بس أسميه يخدر بالواحد...
وانا الين الساعة 3:30 أتالم و خلاص مب قادة أتحمل،،، حاولوا يقنعوني اخذ ابرة الظهر بس مارضيت،، المهم على الساعة 3:30 قالت فاتح عندج 10 سم،، يلا يوم بييج الويع سوي بوش،،
الله يسامحها القابلة اللي كانت معاي ماكانت تساعد.. كانت كله تقول انتِ ما تسوين بوش عدل و انتِ وانتِ.. وكانت أمي و ريلي يقولونلها مسكينة الحرمة تحاول.. المهم الين الساعة 6 و أنا أسوي بوش ومب قادرة،،لين ما أخر شيء قالوا لازم نقص ونشفط البيبي
طبعا أنا هني وصلت لمرحلة انه خلاص فقدت الأمل اني بربي من التعب... سبحان الله على الساعة 6 وشوي بنتي ولله الحمد انولدت....
وكانت شوي مزرقة ...

المهم هاي قصتي باختصار شديد لووول،، لأن الصراحة لو أقصلكم القصة كلها قصتي بتتحدى الأفلام الهندية لووول..

الوالدة و رييلي موول ما ارتاحوا للمستشفى لأن الطلق كان بارد عندي و ماعطوني طلق صناعي فالولادة وااايد طولت عندي و تعسرت .. عن نفسي ارتحت للمكان بس القابلة اللي كانت معاي ما عيبتني أبدا...

وهاي هي السالفة
والله يسهل على كل حامل يا رب

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الحمدلله على سلامتج الغالية
مبروك ما ياج

__________________________________________________ __________

>>>> الرد الثاني :

الاهم من هذا كله سلامتج الغاليه ... والحمدلله على سلامتج ومبروووك عليج البنوته فديتها وربي يخليها لكم ..

وعقبالناااا ان شاء الله .. التااااسع موووووول ما تمشي اياااامه ..

__________________________________________________ __________

>>>> الرد الثالث :
الحمدلله ع سلامتج الغاليه..
وتتربى فعز والديها البنوته الحلوه

__________________________________________________ __________

>>>> الرد الرابع :
الف الحمد لله على سلامتك حبوبة

ومبرووووك البنوتة وتتربى بعزكم ان شاء الله

__________________________________________________ __________

>>>> الرد الخامس :
بالمبارك وتتربى بعزكم