عنوان الموضوع : الحمل والسكر لصحتك
مقدم من طرف منتديات الضمير العربي

صباح الخير

اشحال الجميع عساكم الا بخير

مبروك لي ربت وعقبال الي صامده

بنات انا دخلت التاسع

والمستشفى عاطني موعد بعد اسبوعين للطلق الصناعي

يعني قبل ما اخلص موعد الولادة باسبوعين

لانه فيني سكري الحمل

ما ادري محتاره اروح اربي ولا لا ؟ انا نفسيا ابا اسوي الطلق لاني ابا افتك وارتاح من الثقل الي انا فيه لانه وزني زايد 18 كيلوا في هالحمل وبنفس الوقت احس خايفة على الياهل كانهم يبون ايبونه بالغصب ما ادري عادي يعني بعد اسبوعين انشالله بكون بالاسبوع 38

في حد سولها طلق قبل موعدها باسبوعين

والبيبي يكون بخير

بليز ردوا عليه

والله يسهل على كل حامل ويرزق كل محرومه يارب

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
والله مش عارفه شو احكيلك بس ربي يسهل عليكي انا ما عندي فكره بس ما بشجع الطلق الاصطناعي ما بعرف
ان شاء الله يجيكي طلق طبيعي وترتاحي ااامين

__________________________________________________ __________

>>>> الرد الثاني :
الله يسهل عليج ان شاءالله انا موعدي معاج بالضبط بس الفرق ان راس البيبي فوق واحتمال يسوولي قيصري

__________________________________________________ __________

>>>> الرد الثالث :
ان شاء الله الخوات مايقصرن ^_^

ربي يثبت حملـــج

__________________________________________________ __________

>>>> الرد الرابع :
ربيعتي كانت سايره موعدها عادي واتقول ما كنت حاسه بشي<< هذا يوم الاثنين
وقالولها الضغط وايد مرتفع وعندج سكر تكرمون في البول, وكان البيبي راسه تحت فعطوها الطلق الفليل, وبعد ما عطوها ارتفع راس البيبي فوق, فعلى طول سوولها عمليه عالساعه 5 الفير حتى ما اتريوا حد ايي من أهالها بس سوولهم تلفون وقالولهم ألحين بنسويلها عمليه ما نقدر نصبر
بس الحمدلله هي والبيبي بخير

وانتي اتوكلي على الله المهم اتكونون انتوا الاثنين بخير
والله يسهل عليج

__________________________________________________ __________

>>>> الرد الخامس :
غناتي أنا شراتج بعد فيني سكر حمل وبيسولي طلق
صناعي تاريخ 15 \ 4

الطلق الصناعي لا بيضرج ولا بيضر البيبي
لأنج خذتي من شهرج 9 جم سبوع .

وولادتج قبل لا تكملين شهرج كامل بتساعدج
أكثر على أنج تربين بسهوله من دون ما تتعذبين
وايد .. لان بيكون حجم البيبي مناسب .

أما أذا اخذتي شهرج كامل أحتمال يكبر حجم البيبي
وهذا شيء بيخلي ولادتج عسره لا سمح الله
لأن كل ما كان حجم البيبي كبير كل ما كان
خروجه بطيء ويتعب .. وكل ما كان صغير بيعجل
خروجه من دون تعب.


والله يسهل عليج وعلينا
وربي طبيعي أنشاء الله^^