عنوان الموضوع : كيف اعرف اني حامل؟؟ لسلامتك
مقدم من طرف منتديات الضمير العربي
هلا الغوالي
بغيت اعرف اذا في عوارض حمل تحس بهن الوحده قبل موعد الدوره
انا صارلي اسبوعين من اخر دوره
وموعدها الياي بتاريخ 31 -10
بليييز فيدوني .. وادعولي اني اكون حامل ..
لان سقطت من 6 شهور وللحين ماحملت
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
احسن شئ جهاز الحمل خذيه من الصيدليه وافحصي نفسك
والله يسهل لك ويكتب لك الخير
__________________________________________________ __________
>>>> الرد الثاني :
لا تعتمدين على الاعراض
احيانا الواحد يتوهم بالاعراض
صبري لموعد الدورة وخذي الفحص المنزلي،،، وبأذن الله حاااااااااااااامل
الله يفرح قلوبكم بالذرية الصااااااااااااااااااالحه
__________________________________________________ __________
>>>> الرد الثالث :
حبيبتي..باين عليج واايد خاايفه..ووايد اتوسوسين
وليش تبين تعرفين انج حامل قبل موعد الدوره.؟؟؟؟؟؟
غناتي الأرزاق بيد الله..وكل شي في وقته حلو..ودام انج حملتي من قبل <<<فال خير لج ****لله, والله يثبت لج حملج المره اليايه
بس روحي سوي فحوصات..وشوفي الهرمونات عندج قبل ما تحملين ..لأن حرمة أخوي حملت مرتين وسقطت ورا بعض, بسبب الهرمونات كانت واايد ناازله عندها..واتعالجت الحمدلله وعندها الحين بنت وولد الله يحفظهم..
وبعدين ..بالنسبه لي أنا وبتجربتي ..في بنتي الأولى حملت بعد شهر من زواجي <<<يعني ما كنت أعرف
وفي بنتي الثانيه..صار لي تقلبات في الدوره << يعني شهر يتأخر وشهر يتجدم..ووحده قالت لي إذا يتأخر ويتجدم معناته انج جريب بتحملين ..وفعلا حملت
وهالمره <<< ما أذكر إذا صار لي تقلبات في الدوره والا لا ..بس آخر دوره عندي طولت ويتني 11 يوم وحسيت بآلام شديييييييييييييده بأسفل البطن وظهري
وإذا كنتي حامل واتأخرت عليج الدوره....راح اتحسين بآلام نفس آلام الدوره..حتى إنج بتحسين إن بتيج الدوره
وان شالله أكون أفدتج.. مع اني أحس إن كل وحده وطبيعة جسمها
والله يرزقج ان شالله الذريه الصالحه
__________________________________________________ __________
>>>> الرد الرابع :
مشكورات خواتي زيزينا واخت القمر
ام اروى
بصراحه وايد احاتي .. وانا خاطري ف حمل
وكل شهر اتريا الدوره وتتأخر يوم ويومين واخر شي تنزل
عسب جي ودي اعرف اذا في عوارض بتظهر علي اتكون هي عين اليقين
لاني ف حملي الاولي كنت احس بألم ف الظهر ونغزات صوب البطن وفحصت بعد ماتأخرت الدوره بـ 5 ايام
بس الحييين خااااطري اكوون حامل عسب جي وايد افكر واتريااا هالاسبوع يمر
وان شالله خيير
وغير جي كان عندي هرمون الحليب اشووي مرتفع ونزل
ومليت من كثر ما اراجع ف العيادات واسوي فحوصات وانا ادري ان هالشي كله بيد رب العالمين
مشكوووره الغاليه الصراحه ماقصرتي برمستج ريحتييني
__________________________________________________ __________
>>>> الرد الخامس :
ان شالله حامل ..صبري اسبوع و سوي فحص
رد مع اقتباس
