السلام عليكم
موضوع جدا مهم حبيت انقله لكم
طبعا الكثير من الخوات الحوامل كانوا يسمعون هالمقوله من امهاتهن وجداتهن
(الزعل مو زين عشان الجنين) (لاتصيحين مو زين عشان الياهل اللي في بطنج)
وعلى اساسها عرفنا ان الياهل في بطن امه يتأثر بالظروف النفسيه نفسها اللي تمر فيها الامر
لكن ابدا ابدا
ما تصورنا ان هالتأثر يكن بدرجة ججدا كبيره.. وما يتصورها العقل، لكن العلماء اثبتوها
والرجل كل ما قلنا له شي قال (الحرمة تدلع) وما يدرك كبر حجم المشكلة اللي جدامه أبدا، وما يدري انه بهالطريقه مو بس قاعديضر زوجته، بل قاعد يضر طفل توه ما طلع الدنيا وهو طفله..
شوفوا هالمقطع...
اللي فيه تصوير الالتراساوند (او السونار حسب ما شفتها الكلمة الشائعة في المنتدى)
لحالة جنين يبكي متأثرا ببكاء أمه، ويبكي متأثرا وخوفا من الاصوات العاليه، يعني عرضو الام على عدة حالات مختلفه وشافوا تأثر الجنين الكبير وشدة بكائه
اترككم مع المقطع
وهالله هالله يا رجال في حريمكم.. دلعوهن ع الاقل بس هالتسع شهور، تمون الحرمه دام فيها راحة بالها وضمان لصحة جنينها..
(اضغط هنا)
https://arb3.*******.com/vb/redirectL...yingvideo.html
واي فديته والله عور لي قلبي كيف يصيح من خاااااااااااااااااااااااااااطره...
سلامة قلبه فديت روحه، خلاص انا من بعد ما شفت هالمقطع بحاول أصير قوية بس المهم طفلي ما يصيح بهالطريقه المفجعه..
شو رايكم في الفيديو؟؟؟
منقووول من الايميل
__________________
رد مع اقتباس
