السلام عليكم ورحمة الله وبركاته
حيالله كروشات منتديات الضمير العربي العزيزات
وحيالله الي يتمنن الحمال والله يرزقكن جريب ان شاءالله .
خواتي انا مثل كل حرمه تتمنى تحمل بياهل .. الحمدلله انا الله رازقني ب 3 اولاد فديتهم
وخاااطري ف بنووته ..
وعيالي فديتهم يتمنوون ان الله يرزقهم باخت لهم يفرحون بها . والله يتمم عليه حمالي على خير ..
وان شاءالله ان الله يرزقني بالبنت الصالحه الكاملة الخلق والخلقه .. اللهم اميييييييين
انا الله يسلمكن اصغر عيالي عمره الحين 7 سنين الحمدلله
وانا الحينه في حملي في الشهر 8
ريلي ما كان موافق اني احمل عسب اربي عيالي وانتبه لهم عدل ..
ومن كثر ما حنييت وحشرت له راسه .. وااافق هههههههههههه
سبحان الله .. انا اول شي بخبركن اني ما كنت استخدم حبوب منع الحمل ولا مركبه لولب ولا شي
كان كله طبيعي.. يعني برع .. فهمتن؟ ^_^
يوم الله سخره ووافق اني احمل .. كنت في حاله مش طبيعيه ^_^ ابا احمل بسرعه
اول شي سرت وشيكت ع المبايض والرحم والحمدلله طمنتني الدكتوره ع كل شي وقالت ما في مانع تحمليين وتوكلي على الله ..
انا يومها حلمت بحلم غريييب والييين اليوم ها الحلم ببالي ما نسيته لانه ماثر فيه..
بتعرفن ليش اثر فيه الحلم بعديين وما نسيته ..
اول شهر مر عليه جنه سنه وانا اتريا واتريا .. وع فكره دووم احلم الدوره تنزل عليه ..
وفعلاااااا وبسبب حالتي النفسيه ولاني اتريا الحمال نزلت الدوره وكانت نفسيتي واااايد زفت
كنت دوووووووووووم اتدعا ربي اني احمل في بنت دووم استغفر ربي
واسبح
يا الشهر الثاني..
وكنت واااااااااااااايد قابضه عمري .. واعصابي مشدووده .. اااااه .. كانت ايام..
ودووم عصبيه .. خذيت تست الحمل قبل يوم الدوره بيوم وما طلع شي..
وفليل نزلت الدوووره
وكنت كل ما تنزل الدووره اتذكر حلمي الي حلمته !!!! سبحان الله
وع فكره قبل كل دووره احس ان بطني مشدووود والم باسفل الظهر
سبحان الله عوارض الدوره بالظبط نفس عوارض الحمل !!
ما تفرق ابدااااااا
ويا الشهر الثالث .. بخيييره
كان خاطف ع موعد الدوره يوميين وانا ناسيتنها !! سبحان الله
سرت وخذيت تست الحمل المنزلي وانا قلبي يدق ددددق
سويت التست وعيني ما فارقته اشووف الخط يبيين ويوضح اكثر واكثررررررر
تمييت اضحك بروووحي واحمد ربي ع نعمته عليه وتمت احب وابوس جهاز الفحص مال الحمل
سبحان الله الي يشوفني يقول ما عندي عيال .. الحمدلله عندي الخير وربي يطول بعمارهم ويخليهم
بس كل ام تحن ليااهل صغير تحضنه وترضعه وتجابله
فرحت وااااااااااااااايد .. وبشرت ريلي قالي صدددددددق؟؟
قلتله هيه.. قال لا تستعيليين واتريي اسبووع !!!!!!!!
قلتله لا والله ما اروووم... ها الكلام الصبح ^_^ العصر انا في العياده ^_*
عند الدكتوره زينب
سويت تحليل حمل ( دم ) .. وبين هرمون الحمل بس كان وااايد خفييف
وقالت لي تعالي بعد يوميين وبشوف مره ثانيه كم وصل عندج
ظهرت عنها وانا قلبي ناقزني ييتها عقب يوميين والهرمون كان مرتفع بس شويه مب وايد
وقالت تعالي عقب اربع ايام !!
رديت لها وانا نفسيتي تعبانه .. وسويت بعد تحيلي الدم وكان الهرمون بعد مرتفع
وقالت لي يمكن حملج بيوقف او ضعيف !!!!!!!!!
دارت بي الدنيا !!
تميت استغفر واصييح ... وظهرت عنها ..
تميت اسبووع ع شور ريلي وعقب اسبوع سرت للدكتوره امل كحيل ..
وخبرتها بكل شي ...ما شاءالله عليها شيفتها تشرح النفس ويسد استقبالها للمرضى
بروحها تظهر اليين باب الغرفه وتنادي ع المريضه وتسلم عليها وتدخلها الغرفه .. ما جد شفت شراتها ولا باخلاقها.. كلمة حق
المهم شافت فايلي القبلي والتحاليل ..
قالت ليش خايفه؟؟
قلتلها خاطري حملي يثبت والله يرزقني بالي في نفسي
سوت لي تحليل دم..
وقالت لي يا فلانه حملج ممتاز والهرمون يزيد طبيعي وها دليل على تكون الجنيين
قالت الدكتوره القبليه يمكن حسبت انج حامل من عقب الدوره ع طول ولها السبب تتوقع يكون الهرمون مرتفع وايد .. بس انتي والله اعلم حملت قبل موعد الدوره ومن حملتي الدوره ما نزلت
وانا كان ينزل عندي دم خفيييف بس مش احمر لا كان بني
وقالت لي ها بقايا دوره لا تخافيين وعطتني حبوب تثبيت...
والحمدلله
ييتها عقب شهر وكان كل شي تمام وقالت شوفي البيبي!!
فرحت وايد وحمدت ربي
ييتها في الشهر ال3
ابا اعرف شووه فيه ( ولد ولا بنت )
قالت مب مبين وايد.. قلتلها دخيلج حاولي ..
قالت يمكن ولد!!!!!!!!!!!!!
رديت البيت والله اني كنت افكر في عيالي الي خاطرهم ببنوته وريلي حليله ..
وقالي هاه بشري ؟؟
قلتله ولد!
قال الحمدلله خير وبركه..
ما تحملت ودخلت الغرفه الثانيه وانا مييييته من الصياااااااح
ياني وتم يهديني .. ويقول انتي خبله ها رزق من الله .. تميت استغفر ربي واحمده ع النعمه
وتميت ادعا وانا ساجده .. ان الله يثبت لي حمالي .. ويرزقني بالذريه الصالحه..
يا موعد المراجعه .. سرت وانا حاسه بشي مب عارفتنه.. سوت لي السونار تتطمن ع البيبي
قالت يا فلانه مش مبين جنس البيبي؟؟؟؟!!!!!!!!
قلتلها شووووووووو!
ليش؟!
قالت يمكن بنت!!!!!!!!!!
قلتلها دخييلج لا ترمسين ها الرمسه انتي مره تقولين ولد ومره بنت!!!!!!!!!
قالت يمكن المره الي طافت كان الحبل السري نازل بين الريول وهيه فكرته جنس الجنين!
قالت سيري الطابق الثاني وسوي هناك الفحص الادق..
سرت.. وتمت دكتوره السونار تحوووس ببطني سااعه..في ها الوقت انا كنت اقرا سورة يّس واية الكرسي..
قالت لي 90% بنت !!!!!!!!!!!!!!!
اااااااااااااه تمييت احمد ربي ع نعمته عليه.. سبحان الله
بشرت ريلي وعيالي ..
والحينه بخبركن الحلم الي حلمته .. ^_^
الصلاة على النبي
حلمت اني واقفه وع يميني 3 بيبان
وفتحت اول باب وكانت الغرفه فااااضيه <<< ها اوال شهر الي ما حملت فيه
وفتحت ثاني باب وكانت الغرفه فاضيه <<<< وها ثاني شهر الي نزلت فيه الدوره وما حملت فيه
وفتحت ثالث باب وشفت ولد يالس بو 6 شهور <<< وها يوم عرفت اني حامل وقالت لي الدكتوره يمكن ولد !!
وعقب اشوف نيرس تناديني وانا واقفه عند الباب ما دخلت تقولي لاااا ها الي انتي حامل فيه
هاي بنتج !!!!!!!!!!! << يوم بشرتني الدكتوره بالبنت ..
سبحااااااااااان الله..
::::::::::::
دعواتكن خواااتي فديتكن ان الله يرزقني بالبنت السليمه المعافاه
وان الله يسهل عليه الولاده ..
ادري وااايد طولت عليكن .. بس شوه رايكن؟^_*
لا تنسني من دعواتكن .. وربي يرزق كل محروووووووووووومه ويسهل حمالكن وولادتكن
اللهم اميييييييييييين
رد مع اقتباس
