عنوان الموضوع : أنا حامل وطاف موعد ولادتي شو أسوي؟؟ للصحة
مقدم من طرف منتديات الضمير العربي

كملت التاسع وبديت في العاشر وما حس غير بآلام خفيفه وتخوز طول ما كنت في الشهر التاسع .
مع اني أمشي وأتحرك وشربت زيت الخروع مرتين وشربت جرفة وأكل رطب وايد لكن ماشي فايده أحيانا أحس بويع أقول الحمدلله أللحين بربي ويزيد الويع وعقب يبرد ولا جنه شي صار وهذي موب أول مره أحمل وأربي عندي بنتين قبل.. والاولى كنت سايره موعد وقالولي يلسي انتي النفس فاتحه 3 سم يعني ولاده المهم اخر شي عطوني طلق صناعي وربيت...
الثانيه كنت مستويعه ... بس هالمرة ماحس بأوياع ولاده بس منان وآلام مثل آلام الدورة وبعدين تخوز..
حتى ياني احساس أني مابريبي خلاص بتم جذا؟؟؟
أنا ما داني اسير المستشفى عشان أسوي فحص داخلي أتريا الويع روحه ايي..
اللي تعرف كيف اقدر احفز أو أسرع الولاده رجااء تخبرني لاني مليت...

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
لازم تراجعين المستشفى المفروض هم عاطينج موعد واذا عديتي الموعد لازم تراجعين الدكتورة

وربيعتي اتقول الزعتر المشروب زين والله اعلم

__________________________________________________ __________

>>>> الرد الثاني :
حبيبتي روحين المستشفى احسن لج والله

انتي بين روحين ..

ربي يعينج ...

انا خوافة بصراحة ..

__________________________________________________ __________

>>>> الرد الثالث :
السلام عليكم اختي

الله يرضى عليك لا تشربي القرفه الطبيب منعها علي
وانا ولدت بعد شهري التاسع ولما جيت اولد لقوا دقات قلب الولد خفيفه والحمدلله ربي يسرلي ولادة طبيعية رغم اني تعذبت فيها بزاااااف لكن رؤية ابني امام عيني نستني الوجع

لاتخافي اختي المهم انه مايكون نزل الماء من المشيمة لانه اذا نزل يصير جفاف للوليد بعيد الشر

وبرأيي لاتتهاوني روحي للمشفى لازم يشوفو دقات قلب الولد الله يرضى عليك توكلي عربنا ومابيصير الا الخير



دعواتي لك





.

__________________________________________________ __________

>>>> الرد الرابع :
روحي تطمني على البيبي

__________________________________________________ __________

>>>> الرد الخامس :
لا تحاتين حبيبتي،، على قولة الدكتوره الياهل مثل الثمر متى ما نضى بيطيح ،، خخخ
امشي واشربي حليب بالزعفران وايد زين ،، وربي يسهل عليج