عنوان الموضوع : ولادة في الـــــــــــدوام .......... الله يستر ؟؟؟؟
مقدم من طرف منتديات الضمير العربي

الســـــــــلام عليكم وحمة الله وبركاته











بنات انا حامل في شهري الثامن ودوووم اتخيل يوم ادخل الشهر التاسع كيف بيكون وضعي في الدوام دوم اتخيل انه الماي يتبطل علي وانا في الدوام ولا اتيني اعراض الولادة وانا اشتغل في مكان عام وفيه رياييل شو بيكون موقفي وايد خايفة ..... بنات في حد استواله مثل هالموقف في الدوام انه اتبطل عليها الماي ولا حست انها بتولد

والسمـــــــــــوحة



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الله يسهل عليج
وعلى ما اظن الولادة مب بهالسرعة
فرضا يتج آلام الطلق في الدوااام عادي بتتحملين لين تسيرين المستشفى
*.^

__________________________________________________ __________

>>>> الرد الثاني :
لا ان شاااااءالله مايصير هالشي

<<<<<<< خفت لاني موظفه ههههههه

بس من تدخلين التاسع حاولي انج تاخذين من الاجازات المرضيه وقعدي في البيت احسن لج واريح لج

__________________________________________________ __________

>>>> الرد الثالث :
أتخيل كيف



لا ان شاء الله ربي يسهل عليج وتكون ولادتج وأعراضها خارج نطاق الدوام



الصراحة أفضل أنه الوحدة تاخذ اجازة من بداية الـ 9 عشان ترتاح

لأن لا صحتها ولا شكلها يساعد انها تداوم

ربي يتمم لج على خير عزيزتي ويعطيج طريج السلامة

__________________________________________________ __________

>>>> الرد الرابع :
ان شاء الله ما بيصير الا كل خير
الله يحفظج ويسهل عليج الولادة ان شاء الله

__________________________________________________ __________

>>>> الرد الخامس :
بصراحه ان انصحج تاخذين اجازه من بدايه التاسع
خذي اجازه مرضيه و لا من اجازاتج و لا اجازة بدون راتب
انا يوم كنت اشتغل سكرتيره المدير العام انفتح عليها الماي وهي في مكتب المدير
و المدير عنده اجتماع يعني بحدود ال 20 رئيس قسم
هي مسكينه كانت داخله غرفه الاجتماعات تعطيه اوراق وهي واقفه فجاءه نزل الماي
تخيلوا موقفها مسكينه و المدير العام على طول اتصل في قسمنا ( الشؤون الاداريه ) وقال اطلبوا الاسعاف عندنا حالة ولاده في مكتبي
واحنا من بدايه التاسع قلنالها خذي اجازه تقول لا دام ما فيني شي بخلي اجازتي لبعد الولاده عشان اجابل البيبي