عنوان الموضوع : حد صارله شراتي؟
مقدم من طرف منتديات الضمير العربي
السلام عليكم ورحمة الله وبركاته!
شحالكن حوامل شخباركن؟
اريد نصيحة او اللي صارلها شراتي تخبرني وتريح بالي وتنصحني!!!
انا حامل بالشهر الثالث ووايد تعبانة من اللوعه والزواع لدرجة اني كل ما اكل او اشرب شيء علطول ارجعه وعندي مشكلة ثانية عويصه اللي هي " اني ما روم اصرط ريجي " كل ما اريد اصرطه احس اني بزوع عشان جي اسير اجمعه بحلجي واطلعه بالحمام!!!
بليز اللي صارلها شراتي تخبرني شو سوت؟
ومن يومين رحت اشتري اغراض للبيت من الجمعية وياني شد قوي ببطني مارمت امشي يالله يالله راح ويوم رجعت البيت نزل شوية دم زغت وايد ورحت للدكتورة قالت في مثل الدم بالرحم احتمال سقوط جنين وضربتني ابره تثبيت!!! كله عشان البيبي !!!
ووايد عورتني الابره والحين تقولي احاول ما اتحرك وايد كله اريح وانسدح وبعد اسبوع تبا تشوف الوضع!!!
دعواتكن لي ان الله يثبت حملي!!!!!
نصحوني بليز حد صارلها شراتي وشو سوت؟؟؟؟
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
الله يكون بعونج ويثبت حملج يا رب العالمين
بخصوص الوحام اكلي لبان بسكوت حاولي تشغلين نفسج بهالشئ
ادري بتقولين بزوع حاولي تلهين نفسج بهاي الطريقة
اما عن الدم الي نزل منج المفروض تعطيج حبوب تثبيت من غير الابر
ولازم اتريحين نفسج وما تتحركين من مكانج الا للضرورة
واتطيحين على ظهرج وترفعين ريولج يعني حطي موسدتين فوق بعض وخليهم تحت التبانة ويكون ظهرج سيدة
الله يثبت جنينج ويطمنج
وتابعي ويا الدكتورة اول بأول وشوفيها بعد ان شاء الله في الرابع اذا تحتاجين ربط ولا شئ
__________________________________________________ __________
>>>> الرد الثاني :
__________________________________________________ __________
>>>> الرد الثالث :
الله يثبته لج اخيتي وحاولي كثر ماتقدرين لا تتحركين ...
انا دكتورتي عطتني تحاميل تثبيت غير اضر بالاسبوع مرتين ابرة تثبيت لمدة شهر ..... والله كريم انشاءالله
حاولي تنسدحين على ظهرج وترفعين ريولج بين فتره وفتره ... يعني تحطين تحت ريولج مخده وانشاءالله خير
__________________________________________________ __________
>>>> الرد الرابع :
مشكورة حبيبتي بحاول ارفع ريولي فوق
بالنسبة للريجي اللي ماروم ابلعه!!!! احس اني ازوع لو بلعتهّ!!!
شو الحل وياه
__________________________________________________ __________
>>>> الرد الخامس :
ربي يثبت لج الحمل يارب ويسر لج امورج ويرزقج الذرية الصالحه
رد مع اقتباس
