عنوان الموضوع : أمهـات ساعدونـي بليـززز ~ بخصـوص تعقيـم المنطقـه بعـد الـولاده ~
مقدم من طرف منتديات الضمير العربي

السـلام عليـكم ~

شحـال كلـن بحـالـه ~

بدخـل ف الموضـوع بسرعـه ~

أنـا ربيـت أمـس الصبـح طبيعـي ~ واللـه رزقنـي بولـد اللـه يخليـه لـي و?ابـوه ويطـرح فيـه البركـه ~

المهـم ~ أنـا شقونـي مـن تحـت وسووولـي خياطـه داخليـه وخارجيـه ~

&& وسـؤالـي &&

كيـف أنظـف مكـان الخياطـه ~ شـو أحـط ولا شـو أتغسـل بـه عسـب يلتـأم الجـرح وأطيـح الخيـوط ~


بليـزز اللـي ربـن ومـرن بهالتجربـه أيخبرنـي ~

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
اول شي الحمد الله عالسلامه ومبرووك ع الولد يتربى بعزكم


اللي اعرف تودنين مر بدبة ماااي وتتغسليين فيه بس اقرى اكثر

__________________________________________________ __________

>>>> الرد الثاني :
خذي غسول بنتادين .. معقم اوكي ..

وعقب ميبو انا كنت استخدمه بس اشمئز .. فرحت اخذ سبري بنتادين يخلي المكان جاف بس تمت الخيوط تاذيني
سرت وفجيت الخيوط وفتكيت

__________________________________________________ __________

>>>> الرد الثالث :
خذي غسول بنتادين .. وجربي سبري بنتادين كنت احس براحه بس لاني ما كنت اخذ مسكنات ماعطوني فكنت احس بزعاج ..

__________________________________________________ __________

>>>> الرد الرابع :
قطـوة مينـونـه ~

اللـه يسلمـج مـن كـل شـر ~ ويبـارك ف حياتـج ~
أتـودن بمـاي فيـه مـر !! مـادري أحسـه حـق اللـي أتييهـن الـدوره بـس مـش حـق وحـده فيهـا خيـاطـه ~

وتسلميـن ع ردج حبوبـه ~

__________________________________________________ __________

>>>> الرد الخامس :
ويمدحون ماي وملح مال نازو ماعرف اسمه خخخ اللي يكون غلافه ازرق ..
المهم .. انا الدكتوره قالت لا تحطين هو ايبس الخيوط .. انا اظن مب النوع اللي يذوب عشان جي حذرتني ..
المهم عقب ما فجيت الخيوط بعده ما برى وايد وكنت احس بنغزات .. فتودنت بماي دافي وملح ارتحت والله