عنوان الموضوع : ... متى بربّي؟! خلاص يأست ... لصحتك
مقدم من طرف منتديات الضمير العربي



.
.

مرحبــــا كرّوشـــــات

اتخيلوا اليوم موعــدي وماحس بشي مول

والله قمة الإحبـــاط

خلاص تعبت أبــا أربي!

شو لازم أسوي؟!

الدكتورة قالت أراجعها ورى باجر عسب اتشوف نبض الجنين

اذا كل شي أوكي بتتريا بعدها اسبوع زيادة

واذا في شي لا سمح الله بتعطيني طلق صناعي

.
.

بنــات أحس ماروم أتريا بعد اسبوع زيادة

خلاص ملّيت!

شو تنصحوني أسوي؟!

أمس حسيت بآلام واستانست وسرت خذت شور دافي وجهزت لبسي وعباتي حق المستشفى

بس من خلصت الشور راح الألــم كلّه

ولا جني كنت أتألم!!!!!!!!

انتوا حاسين فيني؟!

مشي ومشيت

تمر وكلت

بس ما جرّبت شي ثاني .. أمي اتقول مب زين

اتقول يوم بيستوي وقته روحه بينزل

بس أنا نفسيتي داون

كل حد يسألني متى بتربين؟!

وكل حد يتريا

شي حد شراتي؟!

هيه صح ترا أنا بجـــر ومول ما عندي خبرة

حليله ريلي خذ اجازة من الدوام وخلصت اجازته وانا بعدني ما ربّيت وباجر بيداوم >_<

شفتوا الحظ؟!

اللهم لا اعتراض

بنــات plz ادعولي أربّي بالسلامة اليوم قبل باجر

Sorry وايد رمست بس حسيت عمري أبا أفضفض



.
.
.

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الله يسهل عليج وتربين اليوم قبل باجر انشالله

__________________________________________________ __________

>>>> الرد الثاني :

.
.

مشكورة ع الدعـــوة الحلـــوة

الله يسعدج ان شاء الله

^^

.
.


__________________________________________________ __________

>>>> الرد الثالث :
وقت مالله رايد لج بتربين.ماعليه اتحملي حبوبة..

اكيد بتربين..بس صبري شوي..

__________________________________________________ __________

>>>> الرد الرابع :
حبيبتي عليك بالدعاء والصبر ولا تنسين الجماع له دور في حدوث تقلصات في الرحم وان شاء الله تبشرينا بولادتك وتكتبين قصة ولادتك والاكشن وربي يقومك بالسلامة

__________________________________________________ __________

>>>> الرد الخامس :
الله يسهل عليييج حبيبتي... انا بعد بجر وفالساادس وأحااتي من ألحييين....

غن شاء الله تطمنينا علييج بااجر إنج ربيتي...