عنوان الموضوع : تجاربكم مع الحمل وآلم الاسنان لحياة صحية
مقدم من طرف منتديات الضمير العربي
السلام عليييكم خواتي
طبعا مبيين الموضوع من العنوان
الحمل والاسنان
انا حامل بالشهر الثامن وفجأه حسيت بوجع فظييع بالاسنان
قاومت بس ماقدرت سرت العياده قلت لها حامل قالت لي عادي
سوت لي اشعه وقالت لي العصب عندج مفتوح !!!
لازم تحشيه او تشيليه عاااد انا كنت بروحي ومن الخوف رفضت
والله يا خواتي من كثر ما نسمعع قصص هالايام نخاف نوثق بأي دكتور هي تقولي
عادي اشيل لج العصب بس انا خايفه
نظفت لي وحشت الضرس بحشوه مسكنه للالم ومؤقته
والالم بعده موجود واحس اني بتخبل مب عارفه شو اسوي
والم الاسنان ما ينوصف ؟؟؟؟؟؟؟؟؟!!!!!!
افيدوني بتجاربكم او نصايحكم
يزاكم الله خير
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
اسإلي دكتورة نسائيه احسن لج والله يخفف عنج
__________________________________________________ __________
>>>> الرد الثاني :
عادي حبوبه واذا تبين تتطمنين اسالي دكتورتج اللي تراجعين الحمل عندها
__________________________________________________ __________
>>>> الرد الثالث :
ان شاء الله الخوات يفدونج
__________________________________________________ __________
>>>> الرد الرابع :
اب اب اب
ان شاء الله حد يفيدج
__________________________________________________ __________
>>>> الرد الخامس :
غريبه كيف سوت لج الاشعه وانتي حامل ؟
انا صار لي مرة عورتني اسناني وانا حامل ..سرت العيادة ما رضت الدكتورة تسويلي شي قالت لي مب زين وانتي حامل . عطتني بس مسكنات وغرغرة ..
تاكدي احسن وسيري عند دكتورة نسائية تفيدج .. وربي يعافيج يارب .
رد مع اقتباس
