السلام عليكم ورحمة الله وبركاته
شخباركم كروشات. عساكم بخير وعافية
ها شو الهمه ؟ يبالكم شوي تتحركون وتشغلون عماركم عشان تمضي فتره الحمل بسرعه وما تتمللون,, عاد خاصه الي في الثامن والتاسع يحسون اليوم سنه هههه
انا الحين في الثامن
وحابه اغلب الاشياء انتجها بإيدي او تكون من تصميمي. احس الشي يكون مميز يوم الوحده تتفنتك بروحها فيه وتحط لمساتها فيه , ولا شو رايكم ^^
عالعموم
اليوم تقريبا خلصت نوع واحد من التوزيعات الي بتكون في رباي
وحطيت لكم الطريقة عشان الكل يستفيد
أول شي براويكم شي اشتريته من بارتي سنتر في الراحة مول في بوظبي
خذت صحون واكواب ورقية وخذت كلينكسات كلهم بنفس الثيم
وصممت تصميم قريب من تصميم الثيم الي في الصحون وطبعته على ورق استكر وكتبت عليه عبارة شكر باسم المولودة
اختي كانت مشتريه لي توزيعات شفافه من محل اسمه سمارت بيبي في دبي, يبيع توزيعات وهدايا وسوالف تزيين حق المواليد الجدد
فخذت لي هالعلب الشفافه لأني كنت ادورهم من زمان
حطيت فيهم حلاوة ولزقت الاطراف عشان ما يختربن
قصصت شرايط ملونه وقصصت البطايق الصغيره
لفيت الشرايط عالعلب ولزقت عليهم البطاقات ( الستيكر)
وهذا الشكل النهائي
هذي البطاقه الي صممتها, للي حابه تستخدمها وتستفيد منها
والكروشات الي حامل بولد غيرت لكم الالوان ^^
ان شاء الله عيبتكم توزيعاتي
يالله شدو حيلهم وكل وحده تفجر لنا ابداعاتها هنيه
^^
لمسة فن
رد مع اقتباس
